Site icon The Aizawl Post

Pathaan-in vbc 981 lalut tawh

Shah Rukh Khan channa Bollywood action film ‘Pathaan’ chuan kar li chhungin cinema hall ticket hralhna atangin khawvel huapin cheng vaibelchhe 981 a lalut tling tawh a, tunkar a ral leh meuh chuan cheng vaibelchhe 1,000 a lalut hman tawh dawn niin an chhut a, hetiang hi a tithei a nih chuan Hindi film zinga cinema hall ticket hralhna atanga cheng vaibelchhe 1000 lalut thei hmasa ber a ni ang.
He film hi January ni 25-a an tlangzarh kha niin, Siddarth Anand direct niin, Deepika Padukone leh John Abraham te pawh an inlan a, tun weekend kalta khan cinema hall ticket hralhna atangin cheng vaibelchhe 11 a lalut leh a, heti hian khawvel huapin cheng vaibelchhe 981 a lalut tling ta a ni.
Pathaan hian India bikah chauh pawh cheng vaibelchhe 515 lalut tling tawhin, chung zinga cheng vaibelche 493 chu a Hindi film niin, a dang zawng cu Tamil leh Telegu dub atanga a lakluh a ni. Pathaan hian record siamin, Hindi film zinga sum lalut hnem ber a ni tawh a, chutih rualin Indian film angah chuan sum lakluh tamah Baahubali 2: The Conclusion a la pha lo a, he film hi Tamil leh Telegu a siam a ni a, khawvel huapin cheng vaibelchhe 1800 a lalut thei a, Indian film zinga cinema hall ticket hralhna atanga cheng vaibelchhe 1000 chin lalut thei hmasa ber a ni bawk.

Exit mobile version