Pathianin Congress a kaih-
thawh loh chuan ram a rum
– Lal Thanzara
Pathianin ram hruai tura Congress party a kaihthawh loh chuan kan ram a rum thin tih Congress hruaitu Lal Thanzara chuan a sawi.
Zirtawpnia Congress Bhavan kharna inkhawmah MPCC president Lal Thanzara chuan, sawrkarin upa zawk leh hriselna pan zawkten hlim taka Krismas leh kumthar an hman theihnan halpuah leh halmawi hal a khap chu Pu Lal Thanhawla hunlai atanga bul tan a ni a, Aizawl mipuiin sawrkar thupek hi zawm theuh turin an party chuan an sawm tih a sawi.
Harsa taka an lo sual chhuah, kan ram rohlu hralh tum thu an hriatin a lungchhiat tlak hle tih a sawi a. Kumthara sawrkarin Indian Airforce kuta Lengpui Airport hlan a tum chu Mizoram mipui tan a that dawn loh avangin Congress party chuan a do a, an thil tum chu ti lo hram turin an ngen tih MPCC president hian a sawi a. Indian Airforce inrawlhna airport-ah mipui an chep thei hle nia sawiin, “Sawrkar hnathawk, mipui mimir sumdawng, dam lo leh zirlai zin veivah zung zung ngaite tan tuna airport kan hman tangkai anga awlsama kan hman theih tawh loh kan hlau a, ZPM sawrkar hian Indian Airforce hnenah hlan lo turin kan ngen a ni,” a ti.
AICC Congress Working Committee (CWC) member Dr Lal Thanhawla pawhin thu sawiin, tunah hian politics a inlumlet nasa a, eng hunah nge kan inthlan dawn a hriat loh a, inring renga awm mai tur a ni tih a sawi. Kumhluia kan kal dan inenletin, kan tih dik lohte ngaihtuah zel a tul a, kumthara kan kaldan tur ruahman a ngai tih a sawi a ni.
Pathianin Congress a kaih- thawh loh chuan ram a rum – Lal Thanzara
