Daily Newspaper

Pawikhawihna tuartute hnenah zangnadawmna pe

27

District Legal Services Authority Kolasib district hmalakna in Nilaini khan Kolasibah ‘Mizoram Victims of Crime Compensation Scheme 2011’ hnuaia chhawmdawlna mi 16 hnenah hlan a ni.

Kolasib bawrhsap Dr H Lalthlangliana chuan chhawmdawlna semchhuah tur a awm chu lawmawm rualin semchhuah a nih chhan ngaihtuah chuan a lungchhiatthlak hle, tiin a sawi. Dan hriat leh zawm a pawimawh thu sawiin, “Dan zawmthatna apiangah zalenna a pung thin,” a ti. Dan bawhchhetute avanga heti zat chhawmdawl ngai an awm phah chu pawi a tih thu a sawi a. Dan kan dah pawimawh deuh deuh theihna turin sawrkar, NGO, khawtlang mipui leh chhungtinin hemi kawngah thawhhona tha kan neih a pawimawh tih a sawi bawk.

Mizoram Victims of Crime Compensation Scheme 2011 hnuaia chhawmdawlna hi District Legal Services Authority hnenah pawikhawihna a thlen atanga thla 6 ralhmain dilna thehluh tur a ni a. Rokhawlhna avangin thla 6 dawng pawhsei leh theih a ni. He scheme hnuaia chhawmdawlna dil turte chuan police chargesheet nen dilna hi an thehlut tur a ni a, Victim of Crime Compensation hnuaia committee din ten ngun taka an ngaihtuah hnuah State Legal Services Authority hnenah dilna hi an thawn ve leh thin a ni.

He scheme hnuaiah hian pawikhawihna tuartute hian an tawrh nasat dan azirin chhawmdawlna sumfai an dawn tur hi then a ni a, thihna, ramtuileiloa awm phahna, inrukbona, pawngsual leh zahmawh rawngkaia inchhaihnawmnahna, acid-a intheh leh taksa intina zawnga pawikhawihna hrang hrang a huam a ni. Chhawmdawlna sumfai an pekchhuah thinte hi kum 14 hnuailamte tan chuan zaa 50-a tihpun thin a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy