India pawisa Rupees chuan a hlut loh lai ber thlengin October ni 16 khan Dollar khat Rs.83.28 a ni. Bank of Baroda-in research a neih atanga a hmuh danin dollar khat ah 83-83.5 a la ni chho turah a chhut a, hei hi tuialhthei man barrel khat ah $100 (Rs.8,302) a nih chuan dollar khat leh Rs.84 vela India pawisa hlutna a la tlak theih thu sawi a ni bawk.
India pawisa hlutna lo tlak hniam chhan chu khawvel ram dang nena insumdawn tawnnaah India dinhmun a chhiat vang niin hei hi tui alh thei a lakna man a san zel vang a ni.
Stock Market tla hniam-Israel-Hamas indona avangin investors tamtak ten an pawisa an la kir nasa em em a hei hian market lamah harsatna lian tak a siam a ni. Amaherawhchu indona hi Gaza velah chauh thleng tura ngaih a nih avangin market te hian ngai an awh leh vat a ni.
Insumdawntawnna (Trade)- India leh Israel ten inlaichinna tha zawk an siam kum 1992 atang khan ram pahnihte inkarah insumdawn tawnna a thang chak em em a. Kum 2021-a ram pahnihte insumdawn tawnna chuan $ 1.1 billion (Rs.9,132 crore) lai a thleng pha a ni.
Israel leh Hamas te inbeihna ringawt hi chuan Irael leh India insumdawn tawnna hi a tichhe pha lutukin a rinawm loh a, helai ram bial zawng zawng ten tawrhna nasa zawk an tuar a nih erawh chuan India hi a nghawng viau thei tura ngaih a ni.
Covid-19 hnu lamah India hian a thawk tha em em a, a growth rate pawh 7.8% laiin a vawrh thei a, mahse he growth rate hi tunlai buaina karah hian a vawng him reng thei ang em, tih hi thil pawimawh tak a ni.
Pawisa hlutna tlahniam
