Central YMA leh Mizo Peoples Convention (MPC) Manipur chuan Manipur buaina kaihhnawiha mimal leh pawl bil anga hma la loa, inrawnkhawm zel chunga kal \ha an tih thu an sawi.
July 3-a Central YMA hruaitute leh Mizo Peoples Convention (MPC) Manipur Hqrs hruaitute Aizawla inkawmho chuan, Manipur buaina hi uluk taka thlir chunga hnam hrang hrangte inlungrual taka kalpui tul a ti a. Mimal leh pawl bil anga chet lakna hranpa nei loa, a tul ang zela inrawnkhawm \hin \ha a ti.
Tunhnaia Manipur buaina in ni 61 chhung reh lam pan loa, a punlun chho zel chu Central YMA chuan pawi a tih thu sawiin, he buaina avanga nunna chan, hliam tuar leh harsatna hrang hrang tawkte a tawrhpui takzet a, mihring hlutna zahpah lo lek a, diriam leh nunrawng taka insawisakna thleng phei chu a hrethiam thei lo tih a sawi.
Pawl bila che loa inrawnkhawm zel duh
