Pawngsual case in zirlai pakhat man; a thiante pathum hreng bawk

Agra-ah zirlai palite chuan an school zirtirtu chu black-mail in an chhaihbuai thin a, ani hian FIR a thehluh hnuah heng zirlai palite hi man an ni.
Police te sawi danin, heng zirlaite video hrang hrang leh an black-mail na hmanrua hrang hrangte chu lakkhawm a ni a, zirtute an chhaihbuai hi Agra a cheng, Mathura a hnathawk a ni a, zirlai ho hi kum 18 mi, class 10 zirlai an ni hlawm.
Zirlai zinga pakhat phei chu a lokal filawr zual em avangin pawngsual case hmanga thubuai ziahluh a nih thu DCP Suraj Rai chuan a sawi a, an vai hian inkawm thin ni hlawmin, an zirtirtu hi an chhaih buai hneh hle a ti.
Heng mite hnen atang hian mobile phone paruk man sak an ni a, an hnuhma chhuizui mek niin, tan inah dah lailawk an nih thu Rai chuan a sawi.
Puhna hrang hrangah hian thiam loh an chang a nih chuan an dinhmun chu a him dawn lo hle police te chuan an ti a, social media hmansualna chu hremna sang tak a nih theih avangin zirlaite chu an thiltih pawizia hre lo an nih thu an sawi bawk.