Nikum Qatar ram world cup-a hming chher tak Morocco leh Paris St-Germain de-fender Achraf Hakimi chu French prosecutor-te’n pawngsualah puhin an chhui mek.
Season kal laia PSG tana game 31 khel tling tawh Hakimi hi hmei-chhe kum 24 mi chuan kumin February ni 25 khan Paris khawpuiah footballer chenna inah a pawngsual niin a puh a,
French prosecutor-te chuan ‘preliminary investigation’ kalpuiin, media-te chuan hmei-chhia hian a chunga thil thleng chu tun Pathianni khan police station-ah a report a, public prose-cutor’s office lamin Paris khawpui atanga thlang lam daifema awm Nanterre-ah case hi kalpuiin, investigation an kalpui mek a ni.
Spain rama piang Hakimi hi African ram zinga world cup semi-final thleng hma-saber leh awmchhun ni zui ta rih Morocco-in nikum Arab ram tournament-a history bung thar an siam tum khan player pawi-mawh niin, tun Thawh-tanni zan Fifa award semna hunpui FIFPro awards event-ah khan club lama a team-mate pahnih Kylian Mbappe leh Lionel Messi-te rualin mimal chawimawina a dawng nghe nghe a; Paris khuaa Best Fifa Football Awards cere-mony-ah khan FIFPro men’s world team of the year-ah a hming a lang.
He thu buatsaih lai thleng hian Hakimi leh a khelhna club PSG lamin pawngsuala puh-na chungchangah van-tlang hriat turin thu-chhuah an la nei lo.
Pawngsuala puh Hakimi talbuai ve leh mek
