Pawngsualtu kum 20 tang dawn
Champhai Addl District & Session Court chuan hmeichhe naupang pawngsualtu C Lalremmawia chu kum 20 chhung lung in tang tur leh sumfai Rs. 10000 chawi turin a hrem.
2021 October 19 tlai khan Champhai district-a khaw pakhatah hmeichhe naupang kum 8 mi chu hna thawka a chhungte an chhuah hlanin C Lalremmawia hian Rs. 100 peka thlemin, a hmeichhe zahawmna a tih bawrhban sak a, hemi zan hian hmeichhe naupang hian a nu hnenah sawichhuakin, Champhai Police Station-ah FIR thehluh a ni.
Hmeichhe naupang hi doctor enfiahna atangin khawihchhiat ngei a ni tih finfiah a ni a, thuhretute hrang hrangten court hmaa an thusawi atang nen, Addl District & Session judge hian thiam loh chantirin hetiang hremna hi a pe a, a sumfai chawi tur hi a pe thei lo a nih chuan thla khat dang tana tlak turin a ti.
Pawngsualtu kum 20 tang dawn
