PCI-in member nuai 16 nei
Presbyterian Church of India chuan tunah member nuai 16 chuang a nei a, PCI hnuaiah hian Synod 11 a awm.
January 15&16 chhung khan Mizoram Synod Office-ah Presbyterian Church of India (PCI) Executive Committee neih a ni a. PCI moderator Joshua Jeme chuan kaihruaiin, thurel tura chhawpchhuah engemawzat zingah, Isua van lawn ni serh chungchang, unity building sak, Pathian biak inkhawm tih hmasawn chungchang, tawngtai khaidiat neih bakah Working Committee leh Standing Committee atanga thulut ngaihtuah a ni.
PCI Executive Committee hi Silchar Mission Compound-a neih thin a ni a, Silchar Mission Compound-a building thiah a nih avangin Mizoram Synod-in a vawikhatna atan Aizawlah a thleng. Executive Committee hi kum khatah vawi hnih, January leh August ah neih thin a ni.
2024 report-ah Presbyterian Church of India hnuaiah hian Synod 11, Provisional Synod 1, Presbyteries 137, District 669, tualchhung kohhran 3511, branch church 546, minister 1282 leh pro. pastor 122 an awm a, member 16,26,525 an awm a ni.
PCI-in member nuai 16 nei
