Daily Newspaper

PEACE BONUS-AH HEI HI KA HRIA

12

-R. Lalhmangaiha
Bethlehem veng

Kum 1997 Congress term tawp dawn lamah sorkar sum dinhmun a tlakchhiat em avang khan an Finance Minister Pu J.Lalsangzuala pawhin, “Ka nghawngah Damocle-a ngunhnamin a tin reng a ni,” a lo ti hial a. Chu sum dinhmun harsa chu MNF sorkar thar chuan an han rochung ta a. Sorkar leiba a nasat em avangin an buai ta takzet a.

Sorkar laipuia tanpuina pawisa dilna atan chutih laia Chief Minister Pu Zoramthanga chuan, “Peace Bonus” tih hming phuahchawpin, Mizoram ram buai ber pakhat chu remna siama ram ralmuang ber a lo nih entawn tura hmang tangkaiin, dilna an siam ta a. Nasa taka an ngen hnuah sorkar laipui pawh chuan dik leh tha tiin cheng vaibelchhe 182.45 an lo pe a. Chu ‘Peace Bonus’ pawisa chuan leiba pawimawhte rul theiin, awmze neiin an kal leh thei ta a ni.

Hei hi thikin Sikkim Chief Minister, Pu Chamlinga pawhin, kan ram a ralmuang ve tho alawm tiin ‘Peace Bonus’ cheng vaibelchhe sangkhat a dil ve a. Mahse ram pawh buai lo, inremna siam pawh awm chuang lote pek a nih chuan India ram State tam tak pek a ngai dawn tih hriain an lo pe duh ta lo va. Chumi avanga a vuithu pawh chanchinbuah a lo chhuak nual reng a ni. Vawiin thlengin Mizoram anga Prime Minister remtihnaa Peace Bonus la hi India ramah state pakhat mah an la awm lo.

Politics thilah eng ang pawhin sawihnawm tumin, phuahchawp leh awmlo ang deuhthaw hial pawhin sawi tum mah ila, hei hi kan hriat chu a ni – Pu Zorama’n PEACE BONUS a phuah hmangin pawisa Cheng vaibelchhe 182.45 chu kum 2000 khan Mizoramin lawm taka la chhuakin tangkai takin hman a lo ni tih hi.

(THE AIZAWL POST – Article)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy