Daily Newspaper

Pegasus chhui chiang tur SIT din ngiatna thlen

30

Supreme Court-ah sorkar agency tena Isreali spyware Pegaus hmanga journalists, activists, politicians leh midangte an enthla tia sawi chungchangah Special Investigation Team (SIT) dina chhui chiang tura ngenna thehluh a ni.

He ngenna hi advocate M.L. Sharma chuan thehlutin Pegasus scandal chu ngaihmawhawm tawp tia sawiin Indian democracy, judiciary leh security tana hlauhawm leh nasa taka inenthlakna kalpui chu pawm theih loh leh fel lo tiin a sawi.

“Privacy hi an sawi fo anga thil thuhrukna lam a ni lo. Miin amah leh a ngaihtuahnate midang duhdan ang chauh ni lova a hman theihna a ni. Zahawmna huangchhunga tel pawimawh tak a ni,” tiin a sawi a.

Ngenna thehluhah chuan Pegasus chu mi titi ngaihthlak rukna ngawt a ni lo va, mihring enthlak nun digital hmanga hriat theihna niin a phone neitu chauh ni lo amah nena inbia apiangte pawh a huam tel vek tlat a ni tiin a sawi bawk.

He ngenna hi hun rei lo te hnua ngaihtuah zui nghal mai a nih rin niin Pegasus avanga national security him lohna chu lian hle a ngaih niin tunlaia surveillance technology vendors te lian chak lutuk chu khawvel himna atan leh human rights tan pawha pawi theia ngaih a ni bawk.

PIL chuan kum 2016 atang khan Pegasus neitu NSO Group te chuan phone number 50,000 vel an enthla tawh tiin news outlet tena an tarlan chungchang a sawi lang bawk a.

“Pegasus hi enthlakna hmanrua ngawt a ni lo. Cyber-weapon hlauhawm tak Indian polity a chhuah a ni. Thuneitu tena Pegasus hi an hmang a nih pawhin national security tan a hlauhawm tho” tiin a tarlang bawk.

Hei vang hian Court chu SIT dina a kaihhruaina hnuaia chhui chianna kalpui tur leh chu mi kaihhnawiha inhnamhnawih tin te Pegasus leitu minister tin te chu hrem vek turin a phut bawk.

Hei mai bakah hian inenthlak nana Pegasus software lei chu dan kalh leh constitution kalh tia puang turin a ngen bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy