Daily Newspaper

Pegasus hmanga enthlakah Indians 40 vel tel

41

Pegasus software hmanga enthlak ruk nia sawiah Indian journalist 40 vel lang telin an telephone number chu enthlak ruk nia sawi list tarlan zingah a tel.

Forensic test neihnaah heng telephone list-a tel thahnem tak te chu hlawhtling takin Pegasus software hmangin enthlak ruk an ni tiin The Wire, independent news website chuan a tarlang.

List zingah hian Indian ministers, sorkar officials leh opposition leader te pawh an phone number lang tel zingah an tel a ni.

Telephone number lang zingah hian Hindustan Times, The Hindu, India Today, Indian Express leh Network18 journalist te pawh an tel a. The Hindu national bureau Vijaita Singh bakah journalists heng Shishir Gupta, Siddharth Vardarajan, M.K. Venu, Sushant Singh, Rohini Singh, Muzamil Jaleel, Ritika Chopra leh Swati Chaturvedi te pawh hming lang zingah an tel.

Spyware Pegasus hi Israeli company NSO group te chuan khawvel ram hrang hrang sorkar hnenah an hralh thin a ni a. Android leh iOS system hmang phone te enthlakrukna ber a ni.

IT Minister-in inenthlak kalpui theih a ni lo a ti
Information Technology Minister Ashwini Vashnaw chuan Lok Sabha hnenah dan kalha inenthlakna India ramah kalpui theih a ni lo a, India-in dan tha tak leh technological framework tha tak a neh vang a ni tiin a sawi a.

Pegasus software chu dan kalha mi phone ngaihthlak ruk nana hman thin tia sawi chu Indian democracy tihhminghliau tumna a ni tiin a sawi bawk.

“Nizanah (Pathianni zan) story mi deng dawt thei tihchhuah a ni a. He mi kaihhnawihah hian inpuhna nasa tak kalpui a ni a. Press report hi parliament monsoon session tan dawnah tak tihchhuah a ni bawk a, tihpalh thila tih a ni thei lo” tiin a sawi.

“Tun hma pawhin WhatsApp a Pegasus hmanah inpuhna a awm tawh a, mahse, puha ten an hnial vek a ni. July 18-a press report kha Indian democracy bakah institution tha tak tak te tihhminghliau tumna a ni,” tiin a sawi bawk.

Phone chu technical analysis tih atana pekluh a nih loh chuan hack emaw hack tumna emaw finfiah theih ngaihna a awm lo tiin a sawi bawk.

The Wire tena Israeli software Pegasus hmangin activists, journalists, Opposition leader te chu enthlak ruk an ni tia puhna avangin political leader hrang hrangte an lungawilo hle a. Congress chuan chhui chian an phut thu an sawi nghal bawk.

Congress ten Shah leh Modi bang turin ti
Union Home Minister Amit Shah a bang tura a nia Prime Minister Modi pawh dan kalha constitutional functionary, union minister, senior opposition leader, judges, journalist leh midang phone hack a nih avangin chhui chian a ni tur a ni tia sawiin Congress te chuan sorkar chuan ‘bedroom thil sawi’ te a ngaithla ru a ni an ti bawk.

Congress te chuan Modi sorkar chu he ‘spying racket’ hi Israeli surveillance software Pegasus hmangtu leh chhawrtu an ni tiin an sawi bawk a.

“Hei hi phatsanna chiang tak mai niin Modi sorkar-in national security a ngaihthahin foreign compnay ten he data hi an nei a ni,” tiin Congress te chuan thuchhuah siamin an tarlang a.

Pegasus hmanga Indian mi pawimawh thenkhatte phone ngaihthlak rukah hian Congress leader Rahul Gandhi te, poll strategist Prashant Kishor te bakah IT minister thar Ashwini Vasihnaw te pawh an tel nia sawi a ni a.
NSO group te hian Pegasus hmangin India ramah kum 2016 daih tawh atang khan chet an lo la tawh niin The Wire chanchinbu chuan a tarlang bawk.

“He thila mawhphurtu hi tudang ni lovin Home Minister of India Amit Shah a ni. Chu chu Prime Minister Narendra Modi hriatpuina leh pawmpuina tel lova kalpui theih a ni lo bawk a. Constitution a thutiam Home Minister leh Prime Minister te chetlak dan hi ngaihdam theih a ni lo,” tiin Congress te chuan thuchhuah an siamah an tarlang bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy