Daily Newspaper

Pegasus software hmanga enthlakna nasa

18

Khawvel hmun hran hrana rights activists, journalists leh lawyers rual te phone chu Israeli surveillance firm te siam malware hmangin enthlak niin media report chuan a tarlang.

NSO te chuan mi hrang hrang 50,000 chuang phone number neiin heng te hi major news outlet ah te tarlan a ni a. Khawi atangin nge heng list te hi neih a nih leh tu te phone nge hack tih chu hriat chian a la ni lo thung a. NSO group te chuan engmah dan kalha chetna an neih loh thu an sawi thung.

NSO te chuan an software siam chu misual leh firfiak te chhui nana hmantir a nih thu leh ram hrang hrang human rights record nei tha sipai, law enforcement leh intelligence agency te chauh an pek thu an sawi a.

Thuchhuah an siamah Paris-a inbun NGO forbidden Stories te leh human rights group Amnesty International tena an chhuina report chu ‘dik lo taka inrinhlelhna leh theory finfiahna awm lo’ tiin an sawi.

NGO te siam software Pegasus hman chungchang hi Pathianni khan Washington Post, the Guardian, Le Monde leh media organisation lian 14 te chuan an chhuah a ni.

Pegasus hian iPhones leh Android device te lutin chunga messages, thlalak leh email te bakah inbiakna te pawh microphone phone-a awm a ruka tinungin a record vek thei a ni.

NSO te list tarchhuaha phone number thenkhata Forensic test kalpuiah a zahve velah he spyware hi hmuhchhuah a ni.

He list-ah hian journalist 180 chuang an awm a, Agence France-Presse, CNN, New York Times, Al Jazeera news outlets hrang hranga thawk te an ni a.

Hmeichhia pahnih Saudi journalist thah tak Jamal Khashoggi hnaih tak pahnih te bakah Mexican journalist car silfaina hmuna thah Cecilio Pineda Birto te pawh list zingah hian an tel.

List-a lang zingah hian ram hrang hrang hruaitu lawk te bakah Arab royal family member te leh business executive te an awm nual bawk.

Kum 2019 khan WhatsApp te chuan NSO te hi mobile phone 1,400 vel cyber-attack kaihhnawihah court ah an lo khing tawh bawk a, WhastApp te chuan an app hmang thei lovin an siam zui bawk.

I phone a Pegasus luh theih dan?
WhatsApp-ah phone an hack duh chu an call mai a, call chu chhang emaw chhang lo emaw Pegasus code hi phone-ah a inthun lut tho tho a a, call log atangin a bo zui tiin Citizen’s Lab, University of Toronto te chuan an sawi a. Hei bakah hian SMS mit la deuh click chakawm ngawih ngawiha siam pawh an hmang thin tia sawi a ni.

Pegasus hnathawh dan?
Phone chhunga a luh hnuah Pegasus chuan contact, calendar events, phone call te bakah message te WhastApp leh telegram ami te zawng zawng chu spyware controller ah a thawn ta char char mai a ni. Encryption message pawh ru thei niin a chhan chu encryption process paltlang hmain a lak theih vang niin anti-malware service Kaspersky te chuan an sawi a. Hei mai bakah phone chu a neitu hriat hauh lovin camera leh microphone te chu a tinung thei a ni.

Kaspersky, Apple iOS security update 9.3.5 chuan Pegasus software te hi che thei lovin a siam thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy