Daily Newspaper

Pensy music video thar ‘Vengtu Hmangaihna’

19

Pensy B. Lalthang-liani music video thar ‘Vengtu Hmangaihna’ tih chu an tichhuak ta a, Zonet music channel-ah an tichhuak tawh a, YouTube lamah pawh a thlir theih thuai ang. ‘Vengtu Hmangaihna’ hi kumina Pensy music video pathumna a ni.

Pensy chuan a hla thar chungchang hi sawiin, “Fahrah hla deuh a ni a, hla lungkuai chi a ni,” a ti. He hla hi Blue Wave Records neitu BZ-a phuah a ni.

Pensy hian kumin February khan ‘I lam min thlir tir thin’ video tichhuakin, kumina a video hmasa ber a ni a, May thlaah ‘Ka tan kraws-ah ngei chuan’ a tichhuak leh a, ‘Vengtu Hmangaihna’ hi kumina a video pathumna a ni.

Pensy sawi takah chuan khawvela sana hriathlawh leh hralh that tak Daniel Wellington chuan an sana fakna atan Pensy hi an hmang a, Pensy chuan, “Advertisement an tithiam khawp mai, social media atan an tih a ni deuh ber a, Instagram vela sumdawnna beihpui thlakna a ni,” a ti.

DW hian 2017 khan Pensy hi fakna atan an lo be tawh a, mahse, hemi tum hian an product a thlen theih loh avangin an thulh a, kuminah an be nawn leh a, an tipuitling thei ta a ni. DW hi khawvela sana hriatlar pawl a ni ve a, khawvel hmun hrang hrangah hralh chhuah niin, Pensy hi India-a agent lamin Mumbai atanga biain, an inbe fel thei ta a ni.

THE AIZAWL POST
~Thalaite Huang~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy