Daily Newspaper

Pentagon in C-130J Super Hecules part lei rem ti

7

Pentagon chuan India in C-130J Super Hercules cargo aircraft mamawh bungrua, spare parts leh logistical support Rs 90 million man lei a dilna chu a pawmsak.

Congress hnena hriattirna a siamah Defence Security Cooperation Agency chuan he inlei leh hralhna hian US foreign policy leh national security a thlawp dawn tia sawiin US-India inzawmna chu ngelnghet zawka siamin defence partner nihna a tinghet dawna chu chu Indo-Pacific leh South Asia region a politics ngel nghehna, inremna leh economic lama hmasawnna a awm theih nana tul a ti bawk.

India hnena hralh turah hian aircraft spares te bakah ground support leh equipment, Cartridge Actuated Devices/Propellant Actuated Devices (CAD/PAD) fire extinguisher cartridges; flare cartridges; BBU-35/B cartridge impulse squibs te a tel.

India chuan heng spare AN/ALR-56M Advanced Radar Warning Receiver shipset; spare AN/ALE-47 Countermeasures Dispenser System shipset; Lightweight Night Vision Binocular (F5032) sawm lai; AN/AVS-9 Night Vision Goggle (NVG)(F4949) sawm; GPS and Electronic Warfare te lei a dil a ni.

Hei bakah hian instruments leh lab equipment support; joint mission planning system; cryptographic device spares and loaders; software and software support; publications and technical documentation; personnel training and training and training equipment; contractor engineering, technical leh logistical support te pawh lei a dil zingah an tel.

Hengte hi Indian Air Force, Army leh Navy tena an mamawh em em niin ram chhungah leh ram danga humanitarian assistance leh regional disaster relief awma mamawh em em thin te an ni.

Heng ralthuam spare parts leh services te hian Indian Air Force chu nasa zawka thuam thain hmalakna liantham zawk a neihtir thei dawn a ni.

US danah chuan Arms Export Control Act hnuaiah ralthuam lei leh hralh lianthamah ni 30 chhung zirchianna hun inpek tur niin chuta remtih a nih chuan defence company lian Lockheed-Martin te chuan an kalpui thei chauh thin.

India hi US in C-130J Super Hercules aircraft a leitir ram 17 zinga tel a ni a. Indian Air Force chuan C-130J thlawhna hi 30 a nei mek a, hei bakah hian paruk neih belh tumin hmalakna a kal mek bawl.

C-130J hi airlifter te kal ve theihlohna leh kal miah lohna turah pawh kal thei a ni a, thlawhna tha chungchuang leh tangkai turu tak a ni.

Kum 2013 khan Indian Air Force C-130J chu Daulat Beg Oldi airstrip Ladakh-ah tum tir niin 16,614 ft laia sang a ni a. He thlawhna tum tawhnaa la sang ber niin he thlawhna hi US in Afghanistan leh Iraq-ah a hmang uar hle bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy