Daily Newspaper

Pfizer vaccine India rama lakluh dil


Pfizer India-te chu pharmaceutical firm zinga Drugs Controller General of India (DCGI) hnena Covid-19 vaccine emergency a hman remtihna dil hmasa ber niin Pfizer te hian a hmain UK leh Bahrain-ah phalna an lo nei tawh a ni.

Pfizer te chuan DCGI hnenah India ramah an vaccine siam te lakluh leh semdarh phalna chu New Drugs and Clinical Trials Rules, 2019 hnuaiah an dil a ni.

“Pfizer India-te chuan December 4 khan DGCI hnenah India rama Covid-19 vaccine emergency use authorization (EUA) an dil” tiin official te chuan an sawi a.

“Pfizer te hian EUA application hi Form CT-18 hmangin Pfizer-BioNTech’s COVID-19 mRNA vaccine BNT162b2 chu India rama chawkluh leh hralh an dil a ni,” tiin a sawi bawk.

Kar kalta Nilaini khan UK chu Pfizer/BioNTech vaccine hman remtihn pe hmasa ber niin UK regulator Medicines and Healthcare products Regulatory Agency (MHRA) chuan emergency a hman remtihna a pe a ni.

British regulator te chuan Pfizer te vaccine Covid-19laka 95% veng thei te hi pekchhuah a him tiin an sawi bawk a.

Kar kalta Zirtawpni khan Bahrain pawhin Pfizer leh an German partner BioNTech te siam vaccine chu dose hniha pek phalna a lo pe tawh bawk a. Pharma company te hian US FDA hnenah pawh EUA an dil mek bawk.

Harsatna awm thei ber zawk chu Pfizer te vaccine hi -70 degree Celsius a dahthat ngai a ni a, chu chu India ram ang cold chain facility that tawk lohnaah chuan a harsa hle tura ngaih a ni thung.

“Pandemic len lai hian Pfizer te chuan vaccine te chu sorkar contract behchhana inremna siamah sorkar thuneitute hnenah regulator te phalna thlap chauhin a kalpui dawn a ni,” tiin Pfizer te chuan an sawi thung a. India rama chawkluh leh hralh tura an inpeih thu an sawi bawk.

India ramah vaccine panga clinical trial nei mek awmin Serum Institute of India chuan Oxford-Astrazeneca COVID-19 vaccine phase-3 trial an kalpui mek a. India chhulchhuak Bharat Biotech lehICMR tena an siam pawhin phase-3 clinical trial a hmachhawn mek bawk a.

Drug firm Zydus Cadila te chuan DCGI hnen atangin an anti-coronavirus vaccine phase-3 clinical trial kalpui phalna an hmu tawh bawk.

Dr Reddy’s Laboratories leh Russian Direct Investment Fund (RDIF) te chuan India ramah Sputnik V vaccine phase 2 leh 3 an kalpui mek bawk a. Hei bakah hian Biological E. Ltd te chuan an Covid-19 vaccine siam chu mihringah phase 1 leh 2 an kalpui mek bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy