Site icon The Aizawl Post

Phaitual badminton-ah Mizo rawlthar a champion

Phaitual badminton-ah Mizo rawlthar a champion
February 5-12, 2023 chhunga Rajasthan khaw-pui Jaipur-a khelh zawh tak Yonex-Sunrise All India Sub Junior (U-15 & 17 ) Ranking Badminton Tour-nament 2023 Under-17 Boy’s Singles-ah Ralte Villa Badminton Club tana khel mek Mizo rawlthar H. Lalthazuala s/o H. Zo-hmangaiha, Chanmari West a champion.

Zuala hian final-a a khingpui seeded no 5 Malemnganba Singh He-mam lakah 21-16, 21-15 hnehna changin, hemi hma quarter-final-ah see-ded no 2 Ronak Chauhan hneh, semi-final lamah seeded no 8 Radjev Tomar a paltlang bawk.
Tun tum tournament-ah hian Mizoram badmin-ton chanchina hriatreng tlak ni turin kum dik taka khel Mizo naupang pahnih-in final an lut a; champion zo ta lo zawk Malsawm-hlua s/o Albert Lalnun-hlima (Serchhip), Ralte Villa Badminton Club player chu Under-15 Boy’s Doubles final-ah a kawp-pui Mahendra Kalahasthi, Andra Pradesh lam mi nen an chak zo ta lo.

Inrinni quarter-final match hmuhnawm takah Malsawmhluate hian 21-15, 21-19-in hnehna an chang a, hemi ni vek hian semi-final khel zui lehin, Manipur player tha pahnih, he tournament-a seeded no 2, Rishav Nangom leh Mangsuan Vemai Kyoveio tangdun lakah 21-17, 13-21, 21-18 hnehna chang mah se final-a an khingpui Ishaan Negi (Uttarakhand) leh Arnav Sharma (Rajas-than) tangdun lakah 21-11, 21-15-in an tlawm.
Champion |hazuala ve thung chuan a hmaa ding seeded player-te hneh chho zelin sub-junior level-a singles category bikah Mizoram badminton his-tory-a a vawikhatna ni turin a champion.
He tournament-ah hian Lalramsanga, Durtlang leh Lalrempuii, Serchhip tang-dun chuan Under-17 mixed doubles-ah quarter-final an thleng a; Sainun-mawia (Ramhlun Venglai) leh a kawppui pawh Under – 17 mixed doubles-ah hian a thiam pariat zingah an invawkai pha bawk.

He’ng Mizo naupang-te hi TATA Trusts (NEIDA) leh Mizoram Badminton Asso-ciation tangkawpin an din Regional Development Centre atanga inzirchhuak, chumi hnua Pullela Gopi-chand Badminton Acade-my (PGBA) leh ITM Univer-sity Badminton Academy, Raipur-a zir chhunzawm tura thlanchhuahte an ni.

PGBA leh ITM Univer-sity-a an zirna senso zawng zawng hi TATA Trusts (NEIDA) lamin an tum vek a ni. MBA chuan TATA Trusts (NEIDA) bak-ah sum leh pai leh tha leh zung senga Mizorama badminton-in hma a sawn theihna’na hma latu zawng zawngte chungah lawmthu a sawi.

Badminton game-ah hian national level inelnaah Mizote’n hnuhma kan la hnutchhiah tlem hle. Kum 1987 khan Mini National Badminton Champion-ship, Calcutta-a khelhah Lalthansanga (Chichia) chuan Under -12 category-ah pahnihna dinhmun a lo hauh tawh a; kum 2006 khan Sub-junior National Badminton Champion-ship, Pondicherry-a khelh-ah Samuel Lalnunmawia leh Lalchhuanawma tang-dun chu under-13 catego-ry-ah an lo champion tawh bawk. Chumi piah lamah chuan tun tum hi Mizoram player-ten final an thlen leh theih awmchhun a la ni.

Mizoram Badminton Association chuan thu-chhuah siamin, singles inelnaa champion chunga Mizoram history siamtu |hazuala leh doubles inelna huanga pahnihna dinhmun hauhtu Mamate hi a chhuangin, lawmpuina a hlan a, Mizoram leh Mizote tihmingthatu ni zel turin duhsakna sang ber a hlan nghal bawk.

Tournament hi India ram pum huap inelna a ni a, category hrang hranga player inlan zawng zawng pawh 1558 lai an tling.

Exit mobile version