Phaituala inkhel tur Mizoram football team
January ni 28 atanga February ni 14, 2025 chhunga Dehradun, Uttarkhand-a nghah tur 38th National Games 2025 mipa football inelna bika Mizoram aiawh tur squad thlen fel tawh niin, Mizoram football (men’s) team hian an match hmasaberah January ni 30 khian Games thlengtu Uttarakhand tum chungin tournament bul an tan ang a; February ni 1-ah Goa khelin, February ni 3-a an pool match hnuhnungberah thenawm Assam an su zui leh dawn a ni.
Mizoram group match pathumte hi Indira Gandhi Internation SC, Haldwani-a khelh vek tura ruahman a ni.
2025 National Games of India hi 38th National Games of India tih ni bawkin, a thlengtu state hming chawia ‘Uttarakhand 2025’ tih a ni bawk.
2023 National Games of India closing ceremony-ah khan Indian Olympic Association chuan 2025 Games thlengtu atan Uttarakhand Olympic Association a puang a, kuminah Games an thleng dawn a; kumin hian state leh UT bakah team dangte nen team chhuak zawng zawng hi 37 ni tura beisei a ni.
Inelna turte chu: Aquatics, Diving, Swimming, Water polo, Archery, Athletics, Badminton, Basketball, Boxing, Canoeing, Equestrian, Field hockey, Football, Golf, Gymnastics, Handball, Judo, Kabaddi, Kho kho, Lawn bowls, Netball, Rowing, Rugby union, Sailing, Shooting, Squash, Table tennis, Taekwondo, Tennis, Triathlon, Volleyball, Weightlifting, Wrestling leh Wushu-te an ni.
Phaituala inkhel tur Mizoram football team
