Phaitualah muaythai gold pakhat leh silver 4 a hmin
Chennai, Tamil Nadu-a National Muaythai Cham-pionship 2023-ah Mizoram chuan gold medal pakhat leh silver medal pali dawngin championship an khar a; Mizoram tana gold medal awmchhun hi world bronze medalist Lalngaihawma (Hunthar)
sualchhuah a ni.
National muaythai championship-ah hian Mizoram atangin player panga an chhuak a, Mizoram player zawng zawngin medal an dawng vek a ni.
Lalngaihawma hi -51 kg senior-a pool A cham-pion a nih hnuin pool B champion Manipur player nen champion nih an inchuh a, hnehna changin gold medal a dawng.
George Lalmuanawma (Chawnpui) chu -60 kg senior final-a a khingpui Assam player lakah uiawm taka chak loin silver medal a dawng a; Rony Lalchhuansanga (Kolasib College Veng) pawhin -54 kg senior final-ah Rajasthan player hneh loin silver medal a dawng bawk.
Kolasib College Veng fighter dang Lalrinhlua pawh -57 kg senior final-ah Manipur player hneh loin gold medal a hlawhchhuak zo lo a; Lalruathlua (Luangmual) pawh -67 kg junior final-ah Kerala player hneh loin silver medal a lungawipui mai a ngai ve bawk.
He championship-ah hian a pumpuiah Assam chu team champion an ni a, Kerala pahnihna niin, Manipur pathumna an ni.
Kumin India ram pum huap inelna liana an chetthat tawk loh thu leh kum 2024-ah team lian tak tira India ram cham-pion nih an tum thu Muaythai Association president Brian Lalnun-hlima chuan a sawi a, kumin July thlaa LPS Pro Muaythai awm leh turah ram chhung leh state pawn atanga tel tur zawng zawng tan inbuatsaih a hun thu a sawi bawk.
Mizoram team hian nimin khan Chennai chhuahsanin Mizoram an lut.
Phaitualah muaythai gold pakhat leh silver 4 a hmin
