Daily Newspaper

Phil Neville thlaktu nih tum an tam

7

England women’s foot-ball team head coach Phil Neville chuan kumthar nipui th^wt rual hian a hna a kalsan ve tawh dawn a, a hmunruak luah tum hian coach 142 zetin dilna an thehlut a, he hna thawk tura rinkai zingah Chelsea boss Emma Hayes, United States manager Jill Ellis leh Manchester United boss Casey Stoney-te an tel.
Football Association’s head of women’s football Baroness Campbell chuan mi 142 zetin dilna an thehluh thu hi a sawi a, chuti taka hlut a hlawh chu mak an tih thu leh an awih loh hial zawk thu a sawi.

Phil Neville thlaktu hian Euro 2021-a team a hruai nghal dawn bakah Tokyo Olympics-ah Team GB a hruai bawk dawn a, hemi zawh hian England chuan 2023 World Cup-a hlawhtlin an tum zui leh dawn a ni.
England hmeichhe team head coach hna dilna hi June thla thleng khan thehluh theih a ni a, Baroness Campbell chuan thla hmasa khan coach tawnhriat nei tha tak tak atanga he hna thawh beisei an inlar zut zut thu a sawi.

Kum 2015 leh 2019 World Cup-a United States hlawhtlinpuitu Jill Ellis kha Neville thl^k tura beisei-awm a la ni reng a, tarlan tak angin, Chelsea mana-ger Emma Hayes, ex-Man-chester City coach Nick Cushing bakah Manches-ter United boss Casey Sto-ney-te’n rin an kai bawk.

FA hian coronavirus avangin pound maktaduai 300 vel an hloh a, hei hi sum lama an dinhmun ni mah se hmeichhe football-in a tawrh loh tur thu leh kumkhata pound maktaduai 75 budget an siam pawh a tibuai dawn lo niin a sawi.

He hna beiseitu mi 147-te hi ram hrang hrang 30-a chengte an ni a, an zing atang hian inhnukdawk pawh an la awm leh tura ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy