Philippines-ah tui satel sa eisual avangin mi pathum thi
Khualzinte tlawh nasat leh an ei leh in avanga khawvel ngaihven ram zinga mi Philippines-ah chuan tui satel (sea turtle) sa eisual avangin mi pathum an thi a, mi 30 chuang damdawi inah dah luh an ni bawk.
Kar hmasa khan Maguindanao del Norte province-a tuipui kama khawpui pakhata chengte leh khualzin tam tak chuan he thil an ei avang hian an insawisel tan niin an sawi a, kawthalo, luak leh pum na an nei niin an insawi hlawm.
Philippines-ah hian khuarel thil hrang hrang humhalhna leh dan kalh a nihzia tarlan fo nimahse, hnam thenkhat erawh chuan an hnam tihdangphung leh khualzin an hipna pakhat a nih miau avangin tui leh khawmuala chengte sa hi an la ei nasa hle.
He thil eisualtute hi an tam tham hle avangin sorkar pawhin ngaihtuahna a seng nasa hle nia sawi a ni a, a hel leh chhum hmin hnua ei pawh natna langchhuak nghal thei nia sawi a nih avangin fimkhur turin mipuite an ngen zui nghal bawk.
Thuneitute chuan damdawi ina awm mekte dinhmun chu a tha lam zel niin an sawi a, nimin thleng kha chuan dah luh belh an awm tawh rih lo niin an sawi.
Philippines-ah tui satel sa eisual avangin mi pathum thi
