Phone-a duh duh hmehchhuah theih hian zirnaah min pui tam lo – VL Zaithanzama

mart phone atanga duh duh kan hmehchhuah leh kan hriat theihna hian kan zirnaah erawh min pui tam lo hle tih MLA VL Zaithanzama chuan a sawi.
CLS Academy Nursery Veng ami in, kumina an zirlai HSLC pass tharte lawmpuina chu Inrinni khan an hmang a. Hmanpuitu Aizawl West III bialtu MLA VL Zaithanzama chuan ram changkang leh hmasawn apiangin zirna an ngaipawimawh a, hmasawnna bul chu zirna a nih avangin nasa lehzuala luhchilh a ngai tih a sawi.
Lehkhathiam theite chauh mi hlawhtling an ni loa, mi taima leh tumruh, mite aia nasa taka bei thinten hlawhtlinna tlang an lawn chhuak zawk thin, tia sawiin, “Tunlaiah social media a chakin kan hmang nasa em em a, mitinin smart phone kan hum tawh avangin duh duh kan hmetchhuakin kan hre thei tawh a. Mahse hei hian zirnaah min pui em em loa, kan zirlai thiam taka zirchhuah hian hlawhtlinna min pe zawk dawn a ni,” a ti.
Mahni tan bakah chhungkaw tan leh ram tihmingtha tura lehkha zir turin a fuih bawk.
CLS Academy hian kumin HSLC result chhuakah distiction 25, 1st division 25 leh 2nd division mi 1 neiin zirlai 51 an neihte an pass vek a. Kumin hi an school din tirh atanga an result chhiat ber tum niin, kum 2021 atanga 2023, kum thum chhung an zirlaite HSLC-ah distiction-ah an pass vek a ni.