Khawizu thatzia leh a fir man tozia chu Khawizu ngaina leh damdawia hmang thin te chuan kan hre chiang ber awm e. Tunlai chu Social Media-ah Phuaibuang Khawizu a lar riau mai a, a lar dan lah fiamthu ti tih deuh lirthei pakhat atanga lirthei danga Khawizu niawm tak han sawn kual lai vel video lo darh ta chiam kha a ni a, chu video comment na pakhatah chuan Phuaibuang Khawizu tih a ni a, Khawizu nei lo tawp chu kan ni lova, Keini lamah hi chuan tunlai tak hi Khawizu van lai, Khuai lak a hun lutuk loh lai te pawh a ni a. Khuaibu ngah deuh chuan a zu lak tur pawh an nei mial mahna le.
Kan Khawizu fir ei tawh ten an zawng chhang viau mai zel hi Phuaibuang Khawizu kan fak ve na. An zawrh danah hian 750 ml hi an hralh dan tlangpui niin, A rate pawh Khuaikhawi lama tui mite’n inang tlanga an siam a ni a, khawchhung leh hmunpui lamah pawh a leitu tur hi kan haihchham lo angreng viau a, a lawmawm thin khawp mai. Pawlh dal leh chini hmanga tih thlum chawp a ngai ve lo te, Khawizu neituten uluk taka a zu an laka, an sawr dan leh an sawr hnua an chhuan so vek hnuah an dah dai leh te te a, chu mi hnua a bura an dah dan engkim hre tan chuan pawlh dal lam leh han puntir leh chuan a ngai lo. A ei tawh ten an fak viau zel a, hei hi a khawtlang mipuite pawh kan lawmna a ni.
Krismas dawnah phei hi chuan Tlaizawng par, Kawihthuang par tlan Khawiva zu ngat hi kan nei a, kan inchhuang viau thin a nia. Khatia Social Media lama darh ta hluai Phuaibuang Khawizu kha chu keimahni thar a ni chiah lo, a nih hmel. Keini chuan kan Khawizu bur chhin hi kan seal meuh lova, a tuina a dal chuang lo. Khatia Social Media lama lo lar ta chiam nena Phuaibuang Khawizu inan lohna chu, keini lam chu taksa tana damdawi tha a ni a, han ei tam deuh pawh ni ila, kan pawr phah hluai ve lem lova. Khawvel kan zuam ta sawt chuang lo. Mahse, kan Khawizu chu taksa in a mamawhna ang zela damdawia hman theih a ni a. Hei hian a thatzia a pholang chiang ber awm e.
Hetia Phuaibuang khaw hming leh Khawizu an lar takah chuan Khuai khawi hi kan awm ve nual a, a zu lak hunah phei chuan bottle tam tak kan la ve thin. Khawizu fir tha, engmah pawlh belh loh, damdawi atana i mamawh chuan Khawchhak lam lo hawi vat la, Khawizu tha leh rintlak kum tam dahthat ngam neitu Phuaibuangah ngei ilo lei dawn nia.
Social Media lama Zu niawm tak, miten an hmuh ve hlau niawm taka motor lama an dahthat kha chu Phuaibuang Khawizu a ni lo tih hi Luka ziak tlukin ka chiang. Khatia Phuaibuang Khawizu an han tih takah chuan ngaihtuahna sen vak hma chuan khaw hming a chhe thei mai dawn e a, a tih theih lek lek a, Mahse, Phuaibuang Khawizu thatzia la hre lo ten an hriatna remchang a ni ta hlauh dawn a, kan haw lova, kan la na hek lo. Alo lar dan erawh Pulpit tlanga tlangaupui chi a ni chiah bawk si lova. A ti chhuaktu khan kan khua ina kan thar Khawizu thatzia a hrechiang hle niin ka hria. Phuaibuang Khawizu fir tha ni lo laka i him theih nan Khawizu Bottle in seal thlap chu lo lei miah loh tur a ni e.
PHUAIBUANG KHAWIZU – Ramchhana Hmar Phuaibuang
