Adhoc aided-a hlankai phutna nen Thingsulthliah Higher Secondary School zirlaite chuan an khaw tlawhtu minister Dr R Lalthangliana an lo hmuak.
Thawhtanni tlai khan Health & Family Welfare minister Dr R Lalthangliana hian Thingsulthliah Primary Health Centre a tlawh a. Joint Action Committee for School Upgradation leh Thingsulthliah HSS-a zirlaite leh mipui awm remchangte chuan adhoc-a hlankai ngiatna nen lo hmuakin, kawng dungah intlarin ngawi rengin adhoc ngiatna leh ngenna thuziak an lo keng a ni.
Minister hi Thingsulthliah HSS hmingin amah lawmna pangpar hlan niin, JAC-in adhoc grant-in-aid ngenna lehkha bakah all NGO & all political party leh zirlai nu leh pate adhoc ngiatna resolution copy an lo pe bawk.
Phut neiin minister hmuak
