Daily Newspaper

Plastic bawlhhlawh sawngbawlna tur siam

12

PHE Department hnuaia vantlang thianghlimna lama hmalatu – Water and Sanitation Support Organisation (WSSO) bultumin Aibawk rama plastic bawlhhawlh sawngbawlna tur chu Ningani khan PHED WSSO director Er HC Lalnunzira’n a hawng

Sawrkar laipuiin Swatcch Bharat Mission hnuaia ruahmanna a siamah thingtlang faina hi PHE Department kutah awmin SBM (Gramin) kaltlang hian pawnlera inthiar awm lohna hmun ni turin hma a la a, he hmalaknaah hian kum 2017 khan Aizawl District chu Open Defecation Free District ah puan a lo ni tawh a ni.

SBM (G) hnuaia hmalak zawmna atan plastic bawlhhlawh senghawi lam hi WSSO hian chhunzawmin tuna plastic bawlhhlawh sawngbawlna – Plastic (Waste) Resource Management Centre (PMRC) Aibawk hi ruahman a ni. Mizorama district zingah Aizawl district hi a ti hmasaber leh a awmchhun ala ni.

A hmunhma hi Aibawk khawtlang hruaitute hnantir a ni a, 2019 a bul tan niin kumina siam zawh a ni a. Plastic bawlhhlawh lakkhawmte tawnkhawmna khawl leh a her sawmna khawl a awm a ni.

Tunah hian Aibawk leh a chhehvel khua atangin plastic bawlhhlawh quintal 18 chuang lakhawm tawhin hei hi a tawnkhawmna khawl hmang hian tel 70 (quintal 9) vel tawnkhawm tawh a ni.

WSSO hotute sawi danin plastic bawlhhlawh lakkhawm tura tih a nih rualin, tawnkhawm rem lo leh plastic ni lo engemawzat, paih leh ngai awm thin a. Heng tihralna tur pawh hi an siam a ni
He PRMC hi amaha a intum theih leh theih loh tur hi hriatlawk ala har tih an sawi a. Khawlaia plastic bawlhhlawh a awm loh phawt kha he project in a tum a ni, tiin, plastic hernawi sa hman tangkai lehna tur hi an la dap mek a, inbiakpui pawh an nei a ni.

SBM phase-II hi 2020 April 1 atangin kalpui tanin 2025 thleng kalpui tur a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy