PM Cares hnuaia chhawmdawl naupangte bawrhsap-in a kawm

PM Cares hnuaia chhawmdawl naupangte bawrhsap-in a kawm
PM Cares kaltlanga Serchhip district-a tanpuina dawngtu naupangte chu Nilaini khan district bawrhsap Paul L Khuma’n a kawm.
Covid-19 leng avanga nu leh pa in an thihsan tak naupangte tan Prime minister Narendra Modi chuan ‘PM Cares for Children Scheme’ a siam a. He scheme hi 2021 May 29 khan kalpui tan niin, naupangte tan hamthatna tam tak siamsak an ni a, an puiltin hnua an intundin theihna atan sum ruahman sak an ni. Serchhip district-ah hian PM Cares dawngtu naupang 4 an awm a. Heng naupangte hriselna, zirna kawnga hma an sawn chhoh dan, an dinhmun leh khawsak dan uluk taka vil turin bawrhsap kaihhruaiin DCPU chuan mawh a la a ni.
PM Cares kaltlanga anmahni vil tura dah bawrhsap chuan naupangte chu harsatna an nei a nih chuan an tan amah leh District Child Protection Unit an reng tih a hrilh a. Zirna ngaipawimawh tura fuihin, an zir chhunzawm zelna turah harsatna an tawk a nih chuan tanpui turin an inhawng reng tih a sawi a ni.
2020 March 11 atanga 2022 March 3 inkara Covid vanga nu leh pate thi ve ve, nu emaw pa emaw Covid-19 vang kher loa thi tawh, a damlai zawka te Covid-19 vanga an thihin emaw, anmahni enkawltu (legal guardian) emaw fa atana latu (adoptive parents) te Covid vanga an thihin, an kalsan tak naupangte dawmkanna turin PM Cares hi duan a ni.