Daily Newspaper

PM hovin thlirhona nei

14

Prime Minister Narendra Modi chuan nimin khan all-party meeting kovin Union Minister rual-te nen Covid-19 pandemic dinhmun thlirhona an nei.

Virtual meeting-ah hian Lok Sabha leh Rajya Sabha a party tin floor leader te an tel a ni.

Meeting neihnaah PM Modi chuan, “India chuan universal immunisation programme a kalpuisa hmangin khawvela vaccine pekdarhnaa network tha ber leh lian ber a nei a ni,” tiin a sawi. Hei bakah hian ‘Made in India’ vaccine pariat lai candidate an awm mek thu a sawi bawk a. ‘Heng zinga pathum te hi India rama siam mek an ni’ tin a sawi bawk.

PM Modi chuan vaccine development leh manufacturing unit te chu amah ngeiin a tlawh thu sawiin Indian firms te chuan hmasawnna nasa tak an hmuh thu a sawi bawk a.

Khawvelin vaccine man tlawm leh him bawk si a nghah mek a, India in a pui thei dawn a ni tia sawi bawkin App ‘Covin’ tih mipui tena vaccine chungchang an hriat theihna tur siam a nih thu a sawi bawk.

“Centre chuan state sorkar te nen vaccine man tur chungchangah inbiakna an neih reng thu sawiin kar rei lo te hnuah tihfel a ni ang,” tiin a sawi bawk.

All-party meeting-a tel MP te hnenah health ministry chuan khawvel puma vaccine candidate 58 a awm mek thu hrilh niin India rama vaccine pek theih hun sawi a ni lo va, a theih hunah frontline health worker, police etc te hnena pek hmasak tur a nih thu sawi a ni thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy