Daily Newspaper

PM Modi-a’n Agra Metro lungphum phum

7

Kum zabi kalta dan te hmangin kum zabi tharah India a din theih loh tiin Prime Minster Narendra Modi chuan sawiin ‘reforms’ chhinchhiah tlak a awm a ngai tiin a sawi bawk a.

“Facility thar leh system thar atan reforms tihmakmawh a ni a. Kum zabi tharah kum za bi hlui dan kan hmang thei lo,” tiin a sawi.

Agra Metro sak tur viedo conferencing hmanga lungphum a phumah kum zabi kaltaa dan tha tak te chu kum zabi thar atan chuan ‘phurrit’ a ni tawh tia sawiin hei vang hian reform a kal reng a ngai a ti bawk.

Mi ten hun kal tawh aia tun huna reofrm kalpui that a nihna chhan mak an ti thin a. “A chhan chu a awlsam khawp mai. A hma chuan reforms te kha a phel te te in sector thenkhat leh department thenkhatte chauh thlurbing a ni a. Tunah chuan a zavaia reform kalpui a ni ta a ni,” tiin a sawi.

India chuan a metro railway network a tilian mai a ni lo va, a metro coaches leh signal system te chu ‘Make in India’ programme hnuaiah a kalpui a ni, a ti bawk a. Tunah chuan metro network-ah mahni intodelh a ni tawh a ni tiin a sawi bawk.

Agra Metro project ah hian corridor pahnih awmin 29.4 km a thi niin touristte tlawh hmunpui Taj Mahal, Agra Fort leh Sikandra te chu railway station leh Bus stand te nen a thlunzawm vek a ni.

He project vang hian Agra mipui 26 lakh vel te chuan hlawkna an chang thei dawn a, kum tinin khualzin nuai 60 chuang an thleng thei dawn a ni. Tun project hi Rs 8,379.62 crore senga siam tur niin kum 5 chhunga zawhfel hman tur a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy