Daily Newspaper

PM Modi an investment tihnana hmuh duhawmber India ti

12

Prime Minister Narendra Modi chuan India chu investment tihna hmunpui duhawm leh global supply chain lamah rintlak a nih thu a sawi.

U.S. India Strategic Partnership Forum a video link hmanga keynote address a pekah Modi chuan tute mahin kum 2020 intan lai khan tun anga pandemic in mitin min nghawng hi an ngaihtuah pha hauh lovang a ti a. Hma lam pan zel a ngaih avangin ‘kan theihna tisangin, mirethei ngaih sakin leh khua leh tui te hma lam hun him zawk siam a ngai’ tiin a sawi bawk.

China hming sawi lang si lovin Narendra Modi chuan pandemic hian chiang takin inrintawnna chu global supply chain thutlukna siam nana a pawimawhzia a pholang a ni, a ti bawk a.

“He pandemic hian khawvel a hrilh chu global supply chain tihhma-sawnna kawngah a costs ah chauh kan innghat tur a ni lo va, inrintawnna pawh a pawimawhzia a pholang a ni,” tiin Prime Minister chuan a sawi a, “Geography zawnga thlira phak chinah company te chuan rintlakna leh policy ngelnghehna an duh a. India chuan heng quality tinte hi a nei vek a ni,” tiin a sawi bawk.

US industry te chuan India rama policy ngelnghet tawk lo chu investment tih nana a duhawmloh thinna berah an ngai thung a. Modi chuan Aatmanirbhar Bharat or Self-Reliant India project chu India-in khawvel a hnuchhawnna tur a ni lo a ti a.

“Tualchung mamawh kan neih len em em rualin, khawvel huapa kan mawhphurhnaah kan hnufum lo. Generic medicine ah khawvelah a siamchhuak tam ber kan ni mek a, khawvel hmun dang supply tawk neih kan tum reng a. Covid-19 vaccine siamna kawngah pawh a hmahruaitu kan ni mek a ni,” tiin a sawi bawk.
“Mahni intodelh leh peaceful India chuan khawvel tha zawk a thlen a ni,” tiin Modi chuan sawi bawkin passive market atangin india chu ‘active manufacturing hub ah chhuah kan tum a ni’ tiin a sawi bawk.

India chuan langtlang leh tax regime tha tak a kalpui tia sawiin, Goods and Services Tax chu IT-enabled tax system tha a ni a, Insolvency and Bankruptcy Code financial regime kalsual thei tur a veng a; labour reforms chuan compliance costs hnathawktute tan titlemin social security a pe bawk tiin a sawi bawk a.

“Kan hma lam hun hi duhawmin a khat a ni,” tiin Modi chuan a sawi bawk a. “He hun remchang hi public leh private sector te tan a ni vek a. Core economic sector leh social sector tin te a huam vek a ni,” tiin a sawi bawk.

Hei bakah hian Modi chuan housing atanga fintech te pawh sawiin a sorkar chuan coal, mining, railway, defence, space leh atomic energy sector te chu a hawn zau tawh thu a sawi bawk a. Agricultural manufacturing reforms an kalpui thu sawiin August thlaa $ 14 billion agricultural financing facility kalpui a sawi lang bawk a. Sorkar tan chuan sumdawnna tihawlsam tlukin nun tihawlsam chu a pawimawh thu a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy