Daily Newspaper

PM Modi an lehkhabu chhiar uar turin thalaite ngen

18

Prime Minister Narendra Modi chuan thalai zawkte chu lehkhabu chhiar tihdan phunga nei tha zual tura ngenin tun ang hun text, tweet leh ‘Google guru’ lai hian knowledge tak tak nei lova awm theihna lakah an him a ngaih thu a sawi.

Jaipur a Patrika Gate hawnna a neihahah Patrika Group Chairman Gulab Kothari lehkhabu ziah pahnih tlangzarhna a nei a. PM Modi chuan Indian thu leh hla bakah Indian products te chu khawvel dengchhuak mek zelin tun hma zawng aiin a chak tawh zawk tiin a sawi bawk a.

Khawvelin India uluk zawkin a ngaithla tawh a ni, tiin a sawi bawk a. Indian media te pawh khawvel huap zau zawka an kal a ngaih thu a sawi bawk.

Media te chuan coronavirus pandemic chungchangah pawh mipui te hnenah la awm ngai reng reng lo khawpa nasain hriattirna leh thil hrang hrang a chhawp chhuak a, sorkar hnathawh bihchiangin tlakchham awm te an kher chhuak a ni tiin a sawi bawk a.

Media te hi nasa taka sawiselin an awm a, a bik takin social media vanglai a ni a, sawiselna a nasa zual chungin mitin te hian sawiselna atanga zirtur zirchhuah a ngai a ni tia sawiin hei tak hi India democracy chakna a ni, a ti bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy