Daily Newspaper

PM Modi an ramri thleng lo : Congress

10

Congress te chuan thuchhuah siamin karkalta Zirtawpa Prime Minister Narendra Modi-an Line of Actual Control (LAC) a tlawh tia sawi khan LAC a\anga 230 km laia hlaah a awm thu an sawi a. Prime Minister hmasa Jawaharlal Nehru, Indira Gandhi leh lal Bahadur Shashtri te kha chuan border outpost an tlawh thung tiin an sawi.

Online press conference neihah Congress Rajya Sabha member leh senior leader kapil Sibal chuan The Guardian UK news report “Our pastues have been taken : Indians rue China’s Himalayan land grab” tih chu lachhuakin ramri intihbuai chung changah Modi sorkar-ah zawhna a neih thu a sawi.

He report hian satellite thlalak pahnih May 22 leh June 23 a lak an pholang tel bawk a Pangsong Tso chungchangah newspaper chuan, “Chiang takin Chinese military structure a lang a, radar towel te pawh Finger Four tlangdungah an bun a ni” tiin an ziak bawk.

Sibal chuan, “Thlalak thar lam bera Chinese tena Pangong Tso Lake a Finger 4 Ridge a kan ram an luah hian thil nihna dik tak a pholang em ni? Radar, helipad leh thil dang an siam leh bunna hi Indian territory niin China in huang tau takin chetlakna an nei lo em ni?” tiin zawhna a siam bawk.

Congress te chuan PM Modi chu LAC chungchangah thil nihna dik tak sawi tura an phut thu an sawi a. Sorkar chuan chiang takin Chinese te hian Galwan Valley-ah patrol point-14, June 15 a sipai thi 20 zinga 16 lai Bihar Regiment te nunna channa kha a luah em tih sawi chiang rawh se, a ti bawk a. Hei bakah hian Chinese te hian Y-junction thlengin, Depsang plain a LAC huam chhung 18 km laia thui, India DBO airstrip pawimawh lutuk leh Siachen Glacier leh Karakoram Pass a sipaite mamawh pekna ber a luah em tih sawifiah bawk rawh se, tiin an zawt bawk.

Hei bakah hian Congress te chuan BJP councillor hlui leh ni mek ten Chinese intrusion chungchangah February 2020 khan PM Modi hnenah memorandum an thehlut tawh bawk an ti bawk a.

“Prime Minister Indira Gandhi leh Lal Bahadur Shastri te kha chuan ramri depa sipaite rilru tihuaisen turin an tlawh lo em ni? Pandit Jawaharlal Nehru pawh khan kum 1962 khan NEFA ah ramri depah sipai te a tlawh lo em ni? Mahse, kan prime ministe rni mek hi chuan ramri atanga 230 km a hla ‘Nimu, Leh’ a tlawh ve chauh a ni” tiin Sibal chuan a sawi bawk a. Indira Gandhi phei kha chuan Galwan Valley a tlawh bawk tiin a sawi bawk.

“China mitah tak ena dan kalha India ram an luah atanga inthiarfihlim tura hrilh a hun tawh a. Mr. Prime Minister hei hi i zawh ngei tur ‘raj dharma’ dik tak chu a ni” tiin Sibal chuan a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy