Daily Newspaper

PM Modi twitter account website hacker ten hack


India Prime Minister Narendra Modi website narendramodi.in twitter account chu nimin zing khan hackers ten hack in a follower te chu crypto currency ngensak tuma beih a ni.

US-a inbun social media giant te chuan he thil hi an hriat nghal thu leh account humhim a nih nana hma an lak nghal thu an sawi a.

“Thil awm dan kan chhui chiang mek a. Tun dinhmunah chuan account dang khawih a neih kan hre lo,” tiin Twitter te chuan an sawi bawk.

Kumin July thla khan twitter te chuan harsatna tawk tawhin hackers thenkhat ten an internal system luhchilh theihin public figure leh corporation thenkhatte account an thunun hman a, chung zingah chuan U.S. presidential candidate Joe Biden, former U.S. President Barack Obama, billionaire Elon Musk, Microsoft co-founder Bill Gates, Amazon CEO Jeff Bezos leh Apple te pawh an tel.

Mahse, Modi account hack erawh Twitter te chuan an system emaw service that loh vang a nih loh thu an sawi thung a. Kumin July thlaa thil thleng leh tuna Modi account hack chuan inzawmna a neih loh thu an sawi bawk.

Prime Minister Narendra Modi website twitter account hian follower 2.5 million a nei a, account 968 a follow thung a. Follower nei tam ber pawl a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy