PM SHRI School ho inelnaa
pakhatna Govt. Rabung PS-I
Mizoram Samagra Shiksha hnuaia PM SHRI School, sawrkar laipui Ministry of School Education-in ni 25 chhunga tih tura a ruahman atanga intihsiak lawmman chu Thawhlehni khan sem a ni.
Samagra Shiksha state project director, School Education director Lalsangliana chuan, an department officer-te leh thawktuten an hna theuhah quality ngaihpawimawh a tul tih a sawi a. School Education department-in hmun hrang hranga civil works a thawh chu vil nguna endik thin a tul tih a sawi a ni.
PM SHRI School tan hian kumin October 14-17 chhung khan district level intihsiak a ni a; October 21-23 chhung khan state level-a inel leh a ni. State level-ah hian PM SHRI School 24 an tel a, pakhatna Govt. Rabung Primary School I, Khawzawl district a ni. Pahnihna Govt. Chanmari Model PS Aizawl, pathumna Lorrain English School Siaha leh Govt. PS-I Hnahthial an ni.
Heng bakah hian activities tina pakhatna theuh thlan an ni a. debate-ah PM SHRI Govt Chanmari Model PS, quiz-ah PM SHRI Govt, PS-I Hnahthial, creative arts-ah PM SHRI Lorrain English PS, sports-ah PM SHRI Govt Rabung PS-I an ni.
PM SHRI School ho inelnaa pakhatna Govt. Rabung PS-I
