Daily Newspaper

PMAY hnuaia loan pek dan sawi ho

14

Kolasib district-a Pradhan Mantri Awas Yojana (PMAY)-Credit Linked Subsidy Scheme (CLSS) hnuaia loan pekchhuah dan tur chungchang sawiin Thawhtanni khan district bawrhsap Dr H Lalthlangliana hoin hun hman a ni a, Kolasib district-a bank hrang hrang hotute an tel.

Bawrhsap chuan PMAY(U)-CLSS chu mi harsa zawkten loan hmanga in an sak ve theihna tura sawrkai laipui duan a nih angin, bank hrang hrangte nen thawkhoa, mi harsate dawmkanna hmanraw pawimawh tak a ni tih a sawi.

District UD&PA hotute report danin, PMAY(U)-CLSS hnuaiah hian 2019-2020 chhung khan Kolasib district-a loan pekchhuah zat tur bituk 190 a nih laiin 68 pekchhuah a ni a. Kolasib khawchhung bank atangin 44, Kawnpui atangin 21 leh Vairengte MRB atangin 3 pekchhuah a ni. Bank hrang hrang zinga loan pekchhuah tur bituk zat pechhuak hi Kawnpui MRB chiah a awm a, 20 bituk an nih laiin loan 21 an pechhuak. Bituk zat atanga chhutin PMAY(U)-CLSS loan pekchhuah hi za zelah 35.79 ang vel a ni.

2020-2021 chhunga bank hrang hrangte tan PMAY(U)-CLSS loan pekchhuah zat tur bituk a ni a. Kolasib khawchhung bank tan 140, Kawnpui 20, Vairengte 20, Bairabi 10 niin, a vai hian 190 a ni. Dilna dawn tawh zat hi 119 niin, pawmtlaka ngaih hi 82 chauh a nih thu sawi a ni. Thutkhawmah hian loan hi kumin December chhungin a tam thei ang ber pekchhuah hman nise tia rel a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy