Site icon The Aizawl Post

Poland manager thar Santos

Portugal boss hlui Fernando Santos kha Poland chuan an head coach thar atan an senglut a, nikum October thlaa Aston Villa-in an ban tak Steven Gerrard nena sawizawm ni ve reng mah se Poland hian international kawtkaia tawnhriat nei zawk Portuguese an thlang ta a ni.

Santos hian kum 2016 khan Portugal tana major title hma-saber lakpuiin Euro 2016-ah a champion-pui a; 2019 Nations League title lakpui leh bawk mah se nikum World Cup quarter-final pakhatah Morocco hneh loin Portugal an tlawm a, a hna vawn lai a bansan ta a ni.

Kum 68 mi chuan trainer hna thawka Poland a enkawl tur chu a tan chawimawina a nih thu a sawi.
Polish Football Federation hotupa Cezary Kulesza chuan manager thar thlan hna a hautak thu sawi chungin a tha ber an thlang tih a sawi a, Santos-a hna hmasa tur chu Germany rama 2024 European Championship khel tura Poland tlinpui a nih thu a tarlang tel bawk.

Santos hian kum 2010-2014 chhung khan Greece enkawl tawhin, Euro leh World Cup khel turin a tlinpui a, Euro-ah hian quarter-final thlengin, World Cup-ah round of 16 a thlenpui bawk.

Exit mobile version