Daily Newspaper

Police-te mana sawi police-ten man lo

28

Lawngtlai district-a kuhva rah tawlh, Mizoram police-ten an lo man anga sawi chu police-te hian an man lo tih an sawi a. Hemi kaihhnawihah hian Sangau Police Station officer in charge chu suspend a ni ta zawk nghe nghe nia thu dawn a ni.

Mizoram Police thuchhuah siamin danin, Myanmar ramri Archhuanga dan loa Mizorama phurhluh kuhva rah bag 550, Miozram police-ten an man chu Siachangkawn-ah Assam Rifles duty-ten an lo man nawn leh niawmin sawi a ni tiin, hemi an chhuichiannaa an hriat theih chin a sawi.

‘Heng kuhva rah hi Archhuang Primary School leh Anganwadi Centre-ah thlahnih chuang dah tawh niin, Covid-19 kaihhnawih lockdown vangin kuhva rah neitute hian an phurhchhuak thei lo a, school tan thuai a nih theih avanga phurchhuak tura ngen an nih angin, kuhva rah neitute hian Sangau Police Station OC hnenah a phurhchhuah dan dappui turin an ngen a. Sangau OC hian SDPO Lawngtlai phone-a a biak hnuah SDPO Lawngtlai thupek angin local task force-ten an lo tihbuai lohna tura lehkha siamsakin, kuhva rah hi Archhuang atangin a neitute hian an phurchhuak ta a ni,’ police thuchhuah hian a ti.

An kuhva phurhchhuah hi Siachangkawnah Assam Rifles-ten an lo man tak thu te; Sangau PS OC hian heng kuhvate hi a man loh bakah Police Station general diary (GD) ah engmah ziahluh niloin, seizure memo pawh siam a nih loh thu te; Sangau PS OC hi danin a phal loh bungrua man loa a phurhchhuahna kawnga a lo puih avangin September 15, 2020 atanga suspend nghal niin departmental enquiry lak mek a nih thu te; SDPO Lawngtlai pawh advisory memo pek niin, a inhnamhnawih dan chhui mek a nih thu leh a tul anga action lak a nih tur thu te thuchhuah hian a tarlang bawk.

Archhuangkai atanga kuhva tawlhruk tum chungchangah hian Lawngtlai West MLA C Ngunlianchunga chuan, Mizoram Police-ten kuhva rah tawlhruk tum an man tawh chu Assam Rifles hian man nawnin police kut atang hian an chhuhsak ta niin a lo sawi tawh a. Mizorama MNF sawrkar hnuaiah Assam Rifles an inluling hle niin a puh a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy