Site icon The Aizawl Post

Police-ten kuhva rah man

Mizoram Police chuan ni hnih chhungin hmun hnihah dan loa tawlhruk kuhva rah bag 298 an man.

February 1 khan Kolasib Rengtekawn temporary check gate-a polic duty-te chuan lirthei pahnih, Kamrul Islam (38) Karimganj Assam leh Kairul Islam (35) Bagha Assam intite khalh atangin kuhva rah bag 88 (kg. 7000 vel) an man a. Kuhva hi Myanmar atanga dan loa chawk luh leh Karimganj district Assam lama phurh thlen tum nia hriat a ni.
February 1 zan khan Rengtekawn check gate-ah tho hian truck pakhat, Suhil Ahmed (27) Karimganj, Assam inti khalh atangin kuhva rah bag 155 (kg 12400 vel) an man leh bawk a. Heng kuhva manah hian Kolasib Police Station-ah thubuai ziahluh vek a ni.

January 31 tlai khan Khawzawl district Tuisenphai-a Police Checkgate duty-ten kuhva rah bag 55 (kg. 4400) chu 407 truck pakhat atangin an man a, lirthei khalhtu Laldingngheta (23) Buang, Champhai district nia inchhal pawh man tel a ni. Heng kuhva hi Myanmar atanga dan loa chawkluh nia hriat niin, Custom Preventive Force Champhai district hnenah dan anga bawhzui tura hlan a ni.

Exit mobile version