Policy bawhzui tur thukhawm

Sawrkar policy tihhlawhtlinna atana a kaihhnawih department – Environment, Forests & Climate Change, Land Resources Soil & Water Conservation, Horticulture, Cooperation, Agriculture bakah Apex Bank hotute leh Primary Agriculture Credit Society (PACS) hruaitute telna Policy Coordination Committee chu Thawhlehni khan an thukhawm.
Sawrkar policy tihhlawhtlinna hmanrua ni tur leh kuthnathawktuten an thlai thar mumal leh awmze nei zawka an hralh theih nan khaw hrang hrangah society din tura hma lak zel nise an ti a. Hemi tur hian Cooperation department chu mawhphurhna pek niin, a tul ang bawhzui tura ruat a ni. Apex Bank hnuaia PACS chu policy tihhlawhtlinna turin kutkea hman nise tih a ni a; anni’n a tul angin registration leh training neihpui se tih a ni.
Heng bakah hian sawrkar policy-te hlawhtling taka kalpui a nih theih nana hmalak dan tur leh pawimawh inzirtir a tul thu te, mawhphurhna neite lungrual taka convergence hmanga an thawhho dan tur pawh sawiho a ni.
Thutkhawmah hian Environment, Forests & Climate Change leh Land Resources Soil & Water Conservation minister Lalthansanga, Agriculture leh Cooperation minister PC Vanlalruata, adviser to chief minister (Implementation of Hand-holding Policy) Dr KC Lalmalsawmzauva bakah line department hotute leh ZPM Market Study Team an tel a ni.