Pope Francis sunna leh thlahna hlantu Messi
Argentine pa ropui ve an ni a, lar dan chi dangin an lar ve ve a; pakhat chuan kum 38 mi ni tawh chungin football khelmualah a vanglai a la hmang mek tiin a sawi theih a, pakhat ve thung erawh chu Thawhtanni khan kum 88 mi niin a thi ta a, Pope Francis chu.
Argentine national football team captain Lionel Messi chuan Pope Francis thih thu puan a nih hnu lawkah Roman Catholic kohhran hruaitu lu ber zahna hlan chungin social media-ah ui thu leh thlahna a hnutchhiah ve nghal a, Inter Miami forward chuan Instagram lamah August 2013-a Vatican-a an inhmuh thlalak phochhuak chungin, “Pope danglam bik a ni a, a chipui Argentinean-te’n kan hnaihin kan pawh em em a ni nen an inhnaih em em a ni.
“Pope Francis. Khawvel hi chenna hmuan nuam leh chhenfakawm zawka i siam avangin i chungah kan lawm a, kan ngai ngawt ang che,” tiin a ziak.
Pope Francis pianna ram Argentina-ah chuan a sunna atan Thawhtannia football match khelh tura ruahman tawh zawng zawngte chu hun danga khelh atan thulh vek a nih thu Argentina football association chuan an puang.
Pope Francis hi football fan ruh ve tak niin, a pianna khawpui Buenos Aires club pakhat San Lorenzo team supporter a ni nghe nghe.
Argentine Football Association pawhin thuchhuah an siamah Argentine football-in lungchhe takin Pope kal ta chu an sun tih an tarlang a, tun kartawp inkhel zawng zawngah sunna hun hman a nih tur thu leh match tinah minute khat chhung ngawi renga dinna hun siam a nih tur thu an puang tel.
Kum 1936-a Buenos Aires khuaa piang Pope Francis kha Latin American zinga Roman Catholic Church hotu lu ber ni thei hmasaber leh awmchhun a la ni.
Argentine Football Association lam hian football nena a inzawmna lam an hrtu na deuh a, an thuchhuahin a tarlan zel danin, “Francis kha thlarau lama mite kaihruaitu a ni ngawr ngawr fai vek lo a, football mi dik tak a ni tel a; football lam mi chi hrang hrang, hruaitu leh football legend thenkhat Argentine national team Lionel Messi leh Diego Armando Maradona-te nen pawh an inhmu a; football a hmangaihna leh ngainatna hi a thup ngai lo a, a club tan ber San Lorenzo de Almagro a hmangaihna pawh a zep ngai lo,” tiin thuchhuah an siam.
Kum 1986 World Cup quarter-final match pakhata Argentina-in an champion-na kalkawnga England an hneh tum khan Maradona chuan England laka solo goal ropui a thun hmain a chum lut a, kha kha ‘Hand of God’ goal tiin a lar zui ta zel a; Vatican khawpuia Maradona nen an inhmuh tumin Pope Francis chuan kha mi tuma a chum goal-na kut kha fiamthuin a zawt tih a lo sawichhuak tawh nghe nghe a ni.
Messi thlawptu leh footballer tha bera ngaitu Pope Francis thihna avang hian Thawhtannia Italian top-flight football l e ague Serie A match khelh tur zawng zawng pawh thulh vek niin, league t huchhuah chuan “His Holiness tihna avangin Lega Naz ionale Professionisti Serie A chuan vawiina Serie A leh Primavera 1 league game khelh tur zawng zawng thulhna thu a puang a, fixture siamthat hunah puanzar leh a ni ang,” tiin.
Ruahman lawk ang chuan, Thawhtanni khan Serie A match li khelh tur a ni a, chu’ngte chu – Torino vs Udinese, Cagliari vs Fiorentina, Genoa vs Lazio leh Parma v Juventus niin, match thulh takho hi Italy rama an national holiday pakhat Easter Monday lamah an khel zawk dawn a ni.
Pope Francis sunna leh thlahna hlantu Messi
