Daily Newspaper

Portuguese zinga MotoGP hnehna chang hmasaber

11

Pathianni khan Red Bull Ring, Spielberg, Austria-ah Styrian Grand Prix an tlan a, Red Bull KTM Tech 3 rider Miguel Oliveira chu thleng hmasaber niin, Portuguese rider zinga MotoGP race hnehna chang hmasaber a ni.

He grand prix-ah hian Championship title beisei pha tur zinga mi Maverick Vinales chetsualna avangin red flag hnuaiah race bul tan that leh a ni nghe nghe a, MotpGP chanchina a vawikhatna atan Por-tuguese rimnamin podium sang ber a lawn lai hmuh tur a awm.

Lap hnuhnungbera kil thum atanga inbeihnaah Oliveira hian Pramac Ducati khalhtu Jack Miller leh pole-sitter Pol Espargaro of KTM hnehin, a vawikhatna atan KTM Tech3 team-in premier class hnehna an chan phah ta bawk.

Red Bull Ring-ah hian Suzuki khalhtu Joan Mir chuan khawng takin bul a tan a, lap 16-naah hm^ a hruai laiin Yamaha khalhtu Vinales chu rapthlaktakin a chesual a, turn one a pan ding laiin Yamaha rider hian a brake fail hrechhuakin, darkar khata km 215 tehrenga chaka a tlan lai pawh sawi thei loin kawngkama an thil tiankhawm sut ai chuan tiin a bike khalh lai atangin tlankawng ch^rah a p<t thla a, a bike chuan bang suin a kang zui nghal nghe nghe.

Rider-te inthuamna a him tha bawk a, Spaniard pawh hi hliam na lutuk tuar loin a insaseng ve leh thei ta mai a, lap 12 la awmah race an chhunzawm leh a, race thunun tuma Miller leh Espargaro inbeihna chuan mit a la hle a, chutih k^ra pathumna dinhmun atanga Red Bull KTM Tech 3 rider Miguel Oliveira rawn dawkchhuak chuan premier class race vawi 900-naah hnehna a chantir ta a ni.

Intlansiak zawhah kum 25 mi Oliveira chuan emotion-in a chiahzawn vek thu sawi chungin a chhungte, team leh sponsor telin a laka rinna nghattute zawng zawng chungah lawmthu a sawi a, amah leh an ram tana mellung thar a phun thu tarlang tel chungin an team home ngei mai Red Bull Circuit-a hnehna a sualchhuak thei chu a lawmna tizualtu a nih thu a sawilang tel bawk.

Austria tlankawng hmingthangah hian Ducati rider Jack Miller chu pahnihna niin, pathumnaah KTM khalhtu Espargaro a thleng a, palina chu Suzuki rider Joan Mir niin, a hma chiah intlansiaka hnehna changtu Andrea Dovizioso a hmakhalh chiah chiah.

Dovizioso hi in-tlansiak tawp dawn lamah talbuaiin tlankawng pawnah a Cucati bike chu a tlanchhuahpui a, podium lawn pha lo zawngin a khawsa ta a ni.

Petronas Yamaha rider Fabio Quartaro pawh Austria leilungah a z^wnin race vawihnihah a chefuh zo lo a, Pathianni intlan-siakah 13-na daih luahin, Championship standing lamah erawh amah hnaihbertu Dovizioso lakah point thumin hm^ a la hruaif^l thei hram hram.
MotoGP season kal mek round hmasa pang^ah pakhatna dinhmun luah thei rider pali an chhuak ta a, Jerez tlankawnga race hmasa pahnihah khan Quartaro a lo chak ve ve tawh a ni.

Championship kal lai hi Italy lamah an insawn dawn a, he ramah hian race vawihnih awmin, Misano World Circuit-a intlansiak kan thlir hmasak zawk tur chu September ni 13 khi a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy