Daily Newspaper

Positive 10 awmna tlang dungah sample 340 chuang la tawh

11

Covid-19 natna vei hriatchhuah tawh mi 10 awmna Tuivawl biala khaw thenkhat chu Covid-19 natna laka inven nan kar hmasa lam atang khan an la inkharkhip a, swab sample pawh lak belh zel a ni.

Darlawn, North Serzawl, Sawleng, East Phaileng, Kepran leh Pehlawn khuate an inkharkhip mek a, Sailutar pawh khauh vak lovin an inkharkhip nia hriat a ni.

Sawleng-ah mi panga, Darlawn-ah mi pali, Sakawrdai-ah mi pahnih hriatchhuah an ni tawh a, Sakawrdai-ah hriatchhuah hmasa zawk chuan damin damdawi in a chhuahsan tawh.

Positive hriatchhuah an awmna khaw pathumte leh an chhehvel khaw thenkhatte chu intlawhpawh reng, chhungkhat laina pawh inzawm pet an ni a, a vei hriatchhuah tawhte nena lo inngheng hnai te pawh an awm nawk. Chutianga inzawm chu an nih avangin positive hriatchhuah an awm lohna khuate pawh an inkharkhip ta a ni.

Thu dawn danin, Sawleng-ah sample 196 lak a ni tawh a, Darlawn-ah 87, Kepran-ah 57, Serzawl-ah pahnih lak a ni tawh a, engemaw zat chu a result an hre tawh.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy