Daily Newspaper

Positive contact atangin mi 10-in Covid-19 kai

34

Aizawl, August 7 : Ningani-a result hriatah Mizoramah Covid-19 natna vei hriatchhuah thar mi 33 an awm a, an zinga mi 10 chu ram pawna kai ni lovin, Mizorama he natna veite atanga kai, positive contact atanga kai an ni.

Mizorama Covid-19 natna vei hriatchhuahte hi Mizoram pawna kai an ni deuh zel a, Mizoram chhunga kai hi hriat theih chinah mi pali an awm; August ni 6-a result hriatah mi 10 an awm belh a, Mizoram chhunga kai zat chu 14 a ni ta a ni.

Mizoram chhunga kai, Ningani-a hriat thar pakhat chu ZMC-a thawk nurse a ni a, Covid-19 natna vei enkawltu a ni. Mi dang pakua hi BSF an ni.

Thu dawn danin, he natna vei hriatchhuah thar BSF pakuate hi state dang atanga Mizorama rawn haw an ni a, mahse swab sample test neia negative tawh, chumi hnua test nawn leha lo positive an ni. Tuirial leh Zuangtui-a mi an ni a, test hmasaa an negative tawh na a, quarantine centre-ah an la awm tih thu dawn a ni.

Ningani-a hriat thar mi 33-te zinga 31 chu ZMC-a endik an ni a, mipa 30 leh hmeichhia pakhat, kum 26 leh kum 60 inkar an ni. An zingah hian BSF pakua leh Assam Rifles 18 an awm.

Lunglei Civil Hospital-a endik pakhat a positive bawk a, mipa, kum 25 mi, quarantine centre-a awm a ni. He natna vei hriatchhuah thar dang pakhat chu Saitual District mi, mipa, kum 33 mi a ni a, ani pawh hi quarantine centre-a awm a ni.

Ningani tlai thleng khan Mizoramah he natna vei hriatchhuah tawh zat chu 537 a ni a, mipa 426 leh hmeichhia 111 an ni.

Covid-10 natna vei hriatchhuah tawhte zinga mi 288 chuan damdawi in an chhuahsan tawh a, enkawl lai mi 249 an awm.

He natna darh nasat berna Aizawl District-ah chuan enkawl lai mi 202 leh damdawi in atanga chhuak tawh mi 126 an awm a, a dawttu Lunglei District-ah enkawl lai mi 36 leh damdawi in atanga chhuak tawh mi 57 an awm.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy