Power line chat siamthat tuma thawkchhuak zing ami, eelctric current man avanga nunna chan ta Rulkual khaw mi pathum chu sawrkarin cheng nuai 10 theuhin a ral.
2022 October 14 khan Lawngtlai district Rulkual khuaw ramah power line a chah vangin Power & Electricity department leh khawtlang tangrualin siamthat tumin hnatlang an ko a. A hmun an thlen hnu lawk hian power line-ah hian electric current-a lo la kal chuan Rulkual mi pathum – Lalramdinpuia, Lalrinchhana leh Samuel Lalthianghlima te chu manin an nunna an chan phah a ni.
Rulkual khawtlang hruaitute bakah pawl dang dangin sawrkarin zangnadawmna pe turin an ngen sak a. Sawrkar chuan cheng nuai 10 theuhin a ral tih P&E hotute chuan an sawi a. An ni bakah hian hemi tula hliam tuar mi pahnih chu Rs. 50000 ve ve in sawrkar hian a kan a ni.
Power line siam tumnaa thi mi pathum sawrkarin a ral
![](https://theaizawlpost.org/wp-content/uploads/tap_logo-min-large.jpg)