Synfo leh Central Kristian |halai Pawl (CK|P) tangkawpin an buatsaih, Presbyterian Kohhran hnuaia K|P member-te tana zaia intihsiakna Praise On 2024 chu a hmawr an bawk hnai ve leh ta a, Zirtawpni zan khan Top 5 a tling ta an puang ta, tunkar an chawl ang a, November ni 21-ah Top 5 te an intihsiak ang a, November ni 22 zanah grand finale neiin result puan a ni ang.
Praise On 2024 hi September ni 6 khan audition bul tan a ni a, Champhai New Serchhip, Kolasib leh Lungleiah te audition an neih hnuah Aizawl Audition an nei leh a, audition-ah hian mi 314 inlanin, First Round intihsiakna hmachhawn turin mi 117 an tling a, chuta tang chuan Top 30 an thlang leh ta a ni.
Top 30 intihsiak hi October ni 24 leh 25-ah te neiin, Mizo lengkhawm hla leh mahni la duhzawng hmangin an intihsiak a, heta tang hian Top 10 thlangin, Top10-a tling te hi November ni 7 leh ni 8 zanah lengkhawm hla leh mahni hla duhzawng hmang bawkin an intihsiak leh a, November ni 8 zana hian Top 5-a tling te an puang nghal a ni.
Top 5 finalist-te hi November ni 21 zanah an intihsiak ang a, November ni 22 zanah grand finale neiin result a puan a ni ang.
Praise On hi a vawi khat nan 2016 khan buatsaih a ni a, 2022-ah nei lehin, kuminah a vawi thum nan an ti leh ta a ni. He intihsiakna hi TV lamah Hruaina Eng channel-ah a en theih a, Synfo YouTube channel-ah live-a tihchhuah thin a ni bawk.
Praise On-ah ian Pakhatnain lawmman Rs 1,20,000 a dawng ang a, Pahnihna-in Rs 70,000 leh Pathumnain Rs 50,000 dawngin, Top 5 a lang, top three thleng ta lo ten Rs 15,000 an dawng ang a, Top 10-a lang, top 5 thleng lo ten Rs 10,000 theuh an dawng bawk ang.
Praise On 2024 Top 5:
Samuel Lalmuanchhana, Armed Veng Branch
Lalthlamuana, Ramhlun Branch
P Vanlalhriatpuia, Chaltlang South Branch
Maria Lalmuanpuii, Chhiahtlang Bazar Branch
Lalruatsangi, Sihphir Branch
Praise On 2024 Top 5
