Daily Newspaper

Pre-quarter-final lut Sindhu

10

Tokyo Olympics-a India medal beiseina lian pakhat Pusarla V Sindhu chuan nimin khan badminton women’s singles match pakhatah minute 35 chhungin Hong Kong nula Cheung Ngan Yi chu 21-9, 21-16-in a hneh a, pre-quarter-final a lut.

Musashino Forest Sport Plaza Group J match pakhata World No. 34 a hneh hnuah world champion ni lai Sindhu hian Denmark mi, world No. 12 Mia Blichfeldt a hmachhawn leh ang.

Kum 26 mi Pusarla V Sindhu hian 2016 Rio Olympics-ah khan silver medal hlapchhuakin, kumin Tokyo Games-ah hian gold a beisei mek a, chutih kawngah chuan women’s singles badminton pre-quarter-final a lut ta phawt a, Hong Kong N Y Cheung nen an intawn tawha a vawiruk chakna chiah a ni nghe nghe.

World No. 7 Sindhu hmachhawn leh tur Denmark world number 12 Mia Blichfeldt hi Group I lama sangber niin, Dane laka Sindhu head-to-head record neih mek chu 4-1 a ni a, Sindhu laka Blichfeldt chak awmchhun chu kumin kumtir lam Yonex Thailand Open kha niin, record en chuan Hyderabadi hi rinkai zawk a ni lo thei lo.

Heti hi ni mah se la Sindhu a inthlahdah dawn lo niin a ngaih theih a, a hmachhawn leh tur Blichfeldt chungchang sawiin, game awlsam a nihloh tur thu leh khawng zawka a kirleh a tul tur thu a sawi a, a hmachhawn tur chu tumpuite nawr chi a nih avangin amah pawh a nawrtu zawka a tan ve ngei a tul tur thu a sawi.

Seeded sixth Sindhu hian a match hmasaberah Ksenia Polikarpova of Israel a lo hneh tawh bawk a ni.

Nilaini vek khan Indian men’s singles player B Sai Praneeth chuan a ‘A’ game a khelchhuak zo lo leh a, Netherlands player Mark Caljouw lakah minute 40 chhungin 14-21, 14-21-in a tlawm a, Group D lama a vawihnih tlawmna a ni ta.

Group topper chauhin knock-out stage an lut thei a, Caljow hian an group-a sangber nihna hauh felin, 13th seed Praneeth tan kawng a ping tawh.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy