Daily Newspaper

Premier League Player of the Season: Kevin De Bruyne

8

Kumtina semchhuah thin Premier League Player of the Season award chu 2019-20 season atan Manchester City midfielder Kevin De Bruyne kutah hlan a ni a, beiseiawm dang Liverpool trio Jordan Henderson, Sadio Mane leh Trent Alexander-Arnold-te’n an chang zo ta lo.

Belgian playmaker hian Liverpool player pathumte bakah he award dawng thei tura chhawpchhuah dang Sou-thampton striker Danny Ings, Burnley goalkeeper Nick Pope leh Leicester Golden Boot winner Jamie Vardy-te a hmakhalh tel bawk.

De Bruyne hi season hnih chhung Premier League champion an nih hnua Liverpool laka an title kawl lai humhim zo ta lo Manchester City player zinga Premier League 2019/20 Player of the Season nominee awmchhun niin, award dawngtu a ni zui ta hial a, tualchhung league-ah a team champion-pui zo ta lo mah se kum 2015-a Etihad a vah thlen hnua mimala season a hman fuh ber kum a tawngbua a, chu chuan fans vote thl^kah season tluana player chetha ber chawimawi-na a dawntir ta hial a ni.

Belgian hian tun season league-ah assist vawi 20 siamchhuakin, kum 2003 daih tawha Thierry Henry league record kha a nihrualpui chiah a; City-in a z^wna season thum chhung league goal thun hnember nihna an chan theihna kawngah goal 13 a tilut tling bawk.

De Bruyne hian vawiinah award dang dawn theihna hun remchang a la nei cheu a, PFA Premier League Fans’ Player of the Year thlanchhuah turah Sadio Mane, Virgil van Dijk, Trent Alexander-Arnold, Raheem Sterling leh Jamie Vardy-te nen nominee an niho.

Hmun danga tarlan angin, Liverpool right-back Alexan-der-Arnold chu Young Player of the Season atan thlanchhuah niin, Reds manager Jurgen Klopp kutah Premier League Manager of the Season a award a lut ve thung a, German coach hian Frank Lampard, Chris Wilder and Brendan Rodgers-te a hmakhalh.

Trent Alexander-Arnold
Young Player of the Season award dawngtu Trent Alexan-der-Arnold chungchang hi han bihchiang leh lawk ila.

Season liamta Premier League-a assist tum 13 neia Manchester City star Kevin De Bruyne chiah thiante goal thun tur siamsak tam lama tluk loh nei Liverpool defen-der hi karliamta Zirtawpni khan Premier League Young Player of the Season atan thlanchhuah a ni.

Kum 21 mi Arnold hian shortlist-a lang ve dang Manchester United star rualkhat Marcus Rashford, Anthony Martial leh Mason Greenwood-te bakah She-ffield United star langsar Dean Henderson leh Chelsea player pahnih Christian Pulisic leh Mason Mount-te bakah Aston Villa talisman Jack Grealish a hmakhalh.

England right-back Alexan-der-Arnold Reds tana assist vawi 13 a neih piahlamah a m^ pualin goal li a thun tling a, game 38 khel tlingin, Liverpool league game zawng zawngah a inlan kim vek thei a, kum 30 chhunga Anfield club-in a vawikhatna’na top-flight title an l^k theihna kawngah player pawimawh a tling pha.

Liverpool hi a naupan lai atanga a club vawn tawh niin, season liamtaah game 38 a khel kim a ni satliah lo a, chuti zat game-ah chuan tum 35 zet first eleven a chang a, Liver-pool tan an champion season-ah minute 3,176 khel tlingin, a team-mate rual zingah amah aia khel hnem awmchhun chu minute 3,420 khel tling Virgil van Dijk chiah a ni.

Kum 21 a pel awrh chung-in khawvela right-back thaberte zinga chhiartel a ni der tawh a, a hmabak la neih enin hmasawn zelna kawl a eng hlea ngaih a ni.

No. 66 hatu Trent Alexan-der-Arnold kuta lut ta Young Player of the Season award hi a vawikhatna atana Pre-mier League-in a semchhuah a ni a, 2019/20 season hi a vawikhatna nih avangin Arnold hi he chawimawina dawng hmasabertu a ni.

Liverpool defender hian season liamta league-ah khan a thiante tan goal chance a siamchhuak thei hle a, tum 87 lai ‘chance’ siamchhuakin, hetih kawnga a tlukloh awmchhun chu Grealish (91) leh Kevin De Bruyne (136)-te chauh an ni a, heti zat goal thun theihna hun remchang a chhawpchhuahah hian tum 13 chu a ball chawp-chhuah hmangin a thiante’n goal an thun nghe nghe.
Long range shot neih tam kawngah phei chuan Premier League player-te zingah tluk pha an awm lo a, season liamta khan league-ah vawi 36 zet long shot a thlawhchhuak tling.

Jurgen Klopp pawhin full back-a Alexander-Arnold leh Andy Robertson inkawp hi a ring hmiah tawh niin a lang.

Alexander-Arnold hi Premier League Player of the Season award dawng thei tur zingah pawh a hming a lang pha hial a, a elpuite chu Jordan Henderson, Sadio Mane, De Bruyne, Danny Ings, Jamie Vardy leh Nick Pope-te niin, De Bruyne a ngam ta lo a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy