President Biden-a’n Swift leh Spears a hriatpawlh
An rama November ni 20 khan White House, Washington DC, USA-ah National Thanksgiving Turkey Pardoning Ceremony an nei a, hetah hian US President Joe Biden chuan turkey (saiar) pahnih Liberty leh Bell te chu ngaihdamna thu puangin ei loh turin a chhuah zalen a, heta a thusawinaah hian a khak sual ta zauh a ni.
Kum 81-na hmang mek President Biden chuan, “Helai rawn thleng tur ringawt pawh hian Liberty leh Bell te hian kawng hautak zet mai an rawn paltlang tawh a. Thawhrimna, dawhtheihna leh mel 1,000 chuang zin vang vang te a ngai a ni. Renaissance tour emaw, Britney tour emaw ticket chan ai pawhin a harsa zawk kan ti thei hial ang chu. Khulamah a awm mek a, Brazil lah chu a lum nasa mai si a,” a ti.
Swift hian Brazil-ah tour a nei mek a, khawlum lutuk avangin Inrinni-a show a neih tur pawh a hun a sawn phah hial kha a ni a, mahse, President Biden hian Swift hi a hai tlat mai. Spears zawkah a chhuah daih.
White House-ah hian turkey pardoning ceremony hi an neih vawi 76-na a ni a, Thanksgiving hma kar khat velah an nei thin. Thanksgiving-ah chuan turkey an ei nasa thin hle a, hetiang huna ei ve loh tur turkey chhuah zalenna hun hman hi kumtin danah an nei ta a ni.
President Biden-a’n Swift leh Spears a hriatpawlh
