Site icon The Aizawl Post

President-in Governor ruat thar, siksawi bawk

Supreme Court judge hlui Justice S. Abdul Nazeer chu President Droupadi Murmu-in governor atana a ruat thar mi paruk zingah a tel a.

President Murmu chuan Maharashtra Governor Bhagat Singh Koshyari banna pawmin R.K. Mathur chu Lieutenant Governor (L-G) of Ladakh atan a ruat bawk.

Justice Nazeer (retd.) hi November 2019-a Ayoshya verdict siamtu five-judge Bench member zinga tel niin Andra Pradesh governor tura ruat a ni a, a thlak tak Biswa Bhushan Harichandan chu Chhattisgarh Raj Bhavan luah tura sawn a ni.

Bharatiya Janata Party (BJP) leader dang pali zinga pakhat Gulab Chand Kataria, Rajasthan-a Leader of Opposition ni mek chu governor atana ruat a ni.

Kataria hi Assam governor thar atana ruat a ni a. BJP leader dang governor atana ruat te chu Lakhshman Prasad Acharya, Sikkim govenor tur te, C.P. Radhakrishnan, Jharkhand govenor tur te leh Shiv Pratap Shukla, Himachal Pradesh governor tura ruat te an ni.

Governor siksawi zingah Maharashtra govenor Koshyari chu Jharkhand govenor Ramesh Bais an a thlak a, Arunachal Pradesh governor Brig B.D. Mishra (retd.) chuan Ladakh govenor Mathu a thlak ang a. Lt. Gen. K.T. Parnaik (retd.) chu Arunachal Pradesh govenor thar a ni ang.

Hei bakah hian Chhattisgarh governor Anusiya Uikye chu Manipur governor a ni ang a, Manipur governoer La Ganesan chu governor of Nagaland tura ruat a ni.

Governor of Bihar, Phagu Chauhan chu Meghalaya governor tura ruat a ni a, Himachal Pradesh governor Rajednra Vishwanath Arlekar chu Bihar governor thar a ni ang.

Exit mobile version