Daily Newspaper

President Trump an hmaikawr vuah turin ngen

11

President Donald Trump chuan US pandemic chu ‘a that hma in a chhe zual rih phawt’ maithei tia sawiin, Americans te chu hmaikawr vuah tura ngenin ‘nghawng tha nei thei a’ tih leh ”ram hmangaihna a ni’ tiin a sawi bawk.

President Trump chuan press briefing a neihnaah hmaikawr a vuah lo thung a, a hma chuan hmaikawr vuah chu ‘hriesel lo’ tiin a lo sawi tawh thung.

Trump-a kaihza vengtute chuan US-ah nasa zawka virus a len mek zel avangin nasa zawka khuahkhirhna kalpuia hma la turin an ngen nia sawi a ni bawk.

US President chuan pandemic leng mek chu ‘Dinhmun tha a thlen hma in a chhe zual zel rih thei’ tiin a sawi a, “Ka sawi duh loh deuh mai a ni a, mahse, thil nihna a ni si a ni,” tiin a sawi bawk.

Trump chuan, “Socially distance thei lo dinhmuna in ding a nih chuan hmaikawr vuah rawh u, hmaikawr nei rawh u,” a ti bawk a. “Hmaikawr in duh emaw duh lo emaw nghawng tha a nei thei a, kan neih theih chin ang hi chu kan neih a ngai a ni,” tiin a sawi bawk.

Pandemic leng mek ‘China virus’ tia lo sawi tawhtu Trump chuan press briefing a neihnaah a ipte atangin hmaikawr a lachhuak a, mahse, a vuah lo.

President Trump hian November thlaah Democratic challenger Joe Biden nen American president thlanna neihah an inhmachhawn dawn a, opinion poll-a a lan dan chuan Trump hmabak a ko hle.

Biden chuan Trump chu pandemic chung changah American te tihlawhchhamah a puh a. “A bansan che u a, he ram hi a bansan a ni,” tiin US vice-president hlui chuan a sawi bawk.

Donald Trump chuan, “Americans te hmaikawr, socially distance leh hygiene tha thei ang kalpui turin kan ngen a. In remchan apiangin kut sil ziah ula, mipui punkhawm tamna ang chi hnualsuat rawh u,” a ti bawk a, “Americans te chu bar leh indoor-a punkhawmna ang chi te ti lo turin kan ngen a ni,” tiin a sawi bawk.

Trump hian a hma chuan hmaikawr vuah a thlawp lo va, mahse, tunah chuan a thlawp tawh thung. Eng vanga hmaikawr vuah chu thlawp ta nge a nih an zawhnaah health expert tena an rilru an thlak vang a nih thu a sawi a.

March thla daih tawh khan president’s coronavirus task force member Dr Anthony Fauci leh US Surgeon General Jerome Adams te chuan US mipui tena hmaikawr an vuahna chhan tur a awm lo an lo ti tawh a.

April atangin US Centers for Disease Control chuan Americans te chu punkhawmnaa hmai kawr vuah turin an ti tan thung a.

Tunah chuan Dr Fauci chuan US thuneitute chu mipui tena hmaikawr an vuah theih nan nawrna tura ngen tawhin mahse Trump chuan White House chu national order siam tura an nawrna a hnial thung.

United States-ah Covid-19 kai maktaduai 3.9 an awm tawh a, nunna chan 141,000 chuang an awm tawh a, khawvela nunna chan tamna ber a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy