India mipa field hockey team chuan an kawtkaia FIH Pro League an khelh mekah chetthat chhunzawmin, Thawh-tanni zan khan chawlhkar liamta maia an hneh hnu world champion ni lai Germany lakah 6-3 hnehna an chang leh a, standing-ah a sang ber an luah.
Rourkela khawpuia Birsa Munda Stadium inkhelah 5-4-a Australia hneh hlimhlawt India hian si an phur hmasa a, minute thumna lekah Tom Gram-busch chuan penalty corner atangin German hmahruaina goal a vawlut.
India tan Jugraj Singh (21st, PC), Abhishek (22nd, 51st), Selvam Karthi (24th, 46th) leh captain Harmanpreet Singh (26th)-te’n goal an thawhkhawm a; Germany tan Gonzalo Peillat (23rd, PC) leh Malte Hellwig (31st)-te’n an khungbelh ve bawk.
India leilunga FIH Pro League kal mekah tualchhung team hian karliamta khan khawvel hockey team ropui pahnih Germany leh Australia hi an lo hneh tawh bawk a; nithum chhunga a vawihnihna’n German lakah chakin, he hnehna hmang hian Harmanpreet Singh-a captain-na hnuaia vul mek India team hian khelh sarihah point 17 hmuin standing-ah hma an hruai a, point 17 ve bawk kawltu Spain lakah goal difference-in an sang.
Pro League-ah India chak leh
